Vestmannalaget er eit mållag i Bergen. Laget vart skipa allereie i 1868, og er det eldste mållaget i Noreg. Fyrste formann i laget var Henrik Krohn (1826-1879). Laget har frå 1985 av gjeve ut meldingsbladet Vestmannen. På byrjinga av 1960-talet melde laget seg ut av Noregs Mållag. Utmeldinga kom mykje på grunn av usemje om rettskriving. Vestmannalaget melde seg seinare inn i Ivar Aasen-sambandet, som arbeider for høgnorsk.
Vestmannalaget er i tillegg med i Vestlandske Mållag, Bygdelagsnemndi i Bergen, Kyrkjenemndi i Bergen og Det norrøne grønlandslaget.
Aasmund Olavsson Vinje skreiv diktet «Til Vestmannalaget» i 1869.«Til Vestmannalaget» ved aasentunet.no
Historie Vestmannalaget hadde frå skipingstida stor innverknad på det kulturelle miljøet i Bergen, og merkte seg ut med å ha med folk frå borgarskapet i medlemsstokken. Laga hadde fast møteverksemd, føredragsrekkjer, gav ut tidsskriftet Fraa By og Bygd og målmedvite arbeid for atterreising av Håkonshallen.
Laget har arbeidt for å fremje samband og samarbeid mellom Noreg og Island og mellom Noreg og Færøyane.
Formenn
Henrik Krohn (1868-1873) Olav Lofthus (1873-1875) Hans Mo (1875-1879) Edv. G Johannessen (1879-1908) C. B Bugge (1908-1922) Rasmus Haugsøen (1922-1924) Johs. Lavik (1924-1929) Eirik Hirth (1929-1937) Gustav Indrebø (1937-1942) Eirik Hirth (1942-1946) Olav Brattegard (1946-1947) Per Thorson (1947-1950) Ludv. Jerdal (1950-1956) Anders Thuen Seim (1956-1957) Ludv. Jerdal (1957-1991) Leidulv Hundvin (1991-)http://sambandet.no/uploads/vestmannen/vestmannen_1993_01.pdf
Litteratur Conrad Clausen, Torleiv Hannaas og Ludvig Jerdal: Vestmannalaget i 110 år, Bergen 1978, Norsk bokreidingslag ISBN 82-90186-14-2
Kjelder
Kategori:Vestmannalaget Kategori:Høgnorsk Kategori:Skipingar i 1868 Kategori:Kultur i Bergen