Valderhaugstrand er administrasjonssenter i Giske kommune i Møre og Romsdal, på sør-austsida av Valderøya nordvest for Ålesund. Her ligg Giske rådhus, barne- og ungdomsskular og Valderøy kyrkje. På kjøpsenteret Øysenteret er det fleire butikkar, apotek og redaksjonen til lokalavisa Øy-Blikk. Snøggbåtsambandet Hareid-Valderøy-Ålesund blir trafikkert av MS «Tideekspress» og går fleire gongar dagleg frå ferjekaia på Valderhaugstranda. I nærleiken ligg også den gamle handelsstaden Løeg-garden.
Valderøy fekk ferjefritt fastlandssamband med Ålesund frå 1987. Valderhaugstranda grenser mot grendelaga Valderhaug i nord og Skjong i sør-vest.
Sjå òg Tettstader i Møre og Romsdal
Kategori:Tettstader i Møre og Romsdal Kategori:Geografi i Giske Kategori:Kommunesenter i Møre og Romsdal