Dufourspitze er det høgaste fjellet i Sveits og det nest høgaste fjellet i Alpane og Vest-Europa etter Mont Blanc. Fjelltoppen er den høgaste i Monte Rosa-massivet, og måler 4634 meter over havet. Frå toppen kan ein sjå Matterhorn. Fjellet ligg på grensa mot Italia og sjølve toppen ligg 160 meter frå grensa. Monte Rosa-massivet er det nest høgaste massivet i Italia.
Gornerbreen ligg på vestsida av Monte Rosa og flyt nedover mot Zermatt. I aust tårnar ein 2400 meter høg vegg opp frå landsbyen Macugnaga.
Fjellet er kalla opp etter den sveitsiske generalen og kartografen Guillaume-Henri Dufour etter at ei topografisk kartlegging av området blei fullført under hans kommando. Fram til 1863 heitte fjellet «Höchste Spitze».
Etter mange forsøk tidleg på 1800-talet på å nå toppen av fjellet, klarte in ein ekspedisjon leia av Charles Hudson å nå toppen 1. august 1855. Hudson døyde ti år seinare under førstestigninga av Matterhorn.
Ruta opp austsida som sidan er blitt den vanlege blei først klatra i 1872 av englendarane Richard og William Pendlebury og Charles Taylor, ført av sveitsaren Ferdinand Imseng, austerrikaren Gabriel Spechtenhauser og italienaren Giovanni Oberto.
Kjelder
Denne artikkelen bygger på «Dufourspitze» frå , den 9. november 2005.
Bakgrunnsstoff
Dufourspitze på SummitPost.org mohonte Rosa med Dufourspitze
Kategori:Fjell i Sveits Kategori:Høgaste punkt Kategori:Fjell i Alpane Kategori:Fjell i Valais Kategori:Seven Second Summits