mini|Kart over El Estrecho naturpark i Andalusia. El Estrecho naturpark (spansk Parque Natural del Estrecho) er eit verna naturområde i Andalusia i Spania som ligg på nordsida av Gibraltarsundet. «El Estrecho» tyder 'sundet'.
mini|venstre|Landskap i El Estrecho naturpark, med utsyn over Gibraltarsundet til Marokko. mini|Skogselv i naturparken.
El Estrecho naturpark er det sørlegaste verneområdet i Europa. Han blei skipa i 2003. Parken ligg mellom Cabo de Gracia ved Bolonia i vest og Punta del Carnero ved Algeciras i aust. Han dekkjer eit område på 189,1 km² (18,931 hektar).
Parken ligg ved møtestaden mellom Atlanterhavet og Middelhavet, noko som gjev han eit særskilt havmiljø. Plasseringa mellom Afrika og Europa set han også på ruta til mange trekkfuglar.
El Estrecho har også fleire fortidsleivningar: Holemåleri frå steinalderen, ruinar etter den romerske byen Baelo Claudia, som dreiv med fiskesausproduksjon, og fleire vakttårn langs kysten.
Kjelder
Bakgrunnsstoff
Kategori:Naturparkar i Spania Kategori:Spansk natur Kategori:Skipingar i 2003 Kategori:Gibraltarsundet Kategori:Verna område i Andalusia