Bèla Font http://www.in-oc.org/index.php?option=com_content&task=view&id=197&Itemid=0 o Bèlafont http://bdtopoc.org/?city_selected=Bellefond (Bellefond en francés) es una comuna deu Vasadés istoric, en Guiana, lingüisticament gascona, administrada per lo departament de Gironda de la region de Novèra Aquitània, ancianament d'Aquitània.

Geografia

vignette|upright=1.8|centre|Comunas a l'entorn.

Perimètre dau territòri

Toponimia Las fòrmas ancianas son de pauc de valor informativa : Bellus Fons, Pulcher Fons, en latin, aus sègles XI o XII, de Bonofonte, en latin, en 1276. La fòrma gascona seré Bèla Font (donc en grafia corrècta Bèlafont) [bɛlə'fun]. Lo sens es evident, mès sa motivacion seré la hont curativa de Goilane (en francés; Goalana ?). Bénédicte Boyrie-Fénié justifica la fòrma hòrt pauc gascona de l'adjectiu bèla (per bèra atendut) perqué la comuna seré delà l'isoglòssa -ll- > -r-, segon l'ALF Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 66-67, sense parlar de font au lòc de hont. Aquera referéncia pòt s'aplicar sonque au punt d'enquèsta 643, Targon, perqué Andraut, a Montsegur, es un punt d'enquèsta gavache http://symila.univ-tlse2.fr/alf/phraserealisee/leipzig2/lieu374. Justament, en direccion de Targon, i a la comuna de Bèravath, que conten bèra. Los punts d'enquèsta de l'ALG son pus sarrats e n'i a tres près de Bèlafont, Gresilhac, La Seuva Majora (o Morens segon los moments de l'enquèsta) e Blasimont, lo pus près, situat un pauc pus a l'èst e a priori mens gascon que Bèlafont. Aqueths punts respèctan dens l'ensemble la règla f > h e quatre mapas permeten de verificar si n'es atau per -ll- > -r-. Valà los resultats que corresponden a Blasimont : per mettre bas (vache) (mapa 520), veterar, per poulain (mapa 526), polin, per agnelle (mapa 538), anhèla, per belle-mère (mapa 1480), bèramair. La règla fonetica -ll- > -r- es donc parcialament respectada e, çò qu'es pus significatiu per la question que nos ocupa, l'adjectiu bèra es present. Coma sovent en Gironda, l'un sap pas çò que Bénédicte Boyrie-Fénié a audit e çò que supausa, (quasiment jamèi ec precisa pas). La correccion Bèla Font en Bèlafont es evidenta, mès i a una possibilitat que lo nom sii, plan normalament, *Bèrahont.

Los punts d'enquesta de l'enquesta BourciezThe Bourciez Project (u-bordeaux.fr) de 1894, encara mei sarrats (quasi totas las comunas son cobèrtas), mòstran que Jugasan, Romanha e Lugaçon (las tres comunas mei pròchas de Bèlafont) respèctan f>h e -ll->-r-, e coneishen l'adjectiu Bèra.

Istòria

Administracion

Avant la refòrma cantonala de 2014, aplicada en 2015, la comuna èra dau canton de Targon; es adara dau canton de l'Entre-deux-Mers (en francés), donc de l'Entre Duas Mars.

Demografia

Lòcs e monuments 25px Église Saint-Eutrope , inscrita aus monuments istorics en 1925 et ruines de l'ancien prieuré inscrites en 2001. 25px Dolmens de Bellefond, au lieu-dit- Sabatey, classés au titre des monuments historiques en 1889, consulté le 20 octobre 2012..

Personalitats ligadas damb la comuna

Veire tanben Comunas de Gironda

Ligams extèrnes Nòtas

Categoria:Comuna de Vasadés categoria:Comuna de Gironda Categoria:Comuna d'Entre Duas Mars Categoria:Comuna de Guiana Categoria:Comuna d'Aquitània (Occitània)