Bossugan (Bossugan en francés) es una comuna occitana deu Vasadés istoric, en Guiana, lingüisticament gascona, administrada per lo departament de Gironda de la region de Novèra Aquitània, ancianament d'Aquitània.
Geografia vignette|upright=1.6|centre|Comunas a l'entorn.
Perimètre deu territòri
Toponimia Las fòrmas ancianas son : Bauzugan (decimam Sancte Eulaliae de ~), Bosugan (decima de ~), Bauzugans (parrogia de ~), totas sense data e que venen deu Cartulari de La SeuvaBénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 79-80. Dauzat postula un nom gallic d'òme *Bussucus, de Bussus, emb lo sufixe -anum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 100. Bossugan seré donc benlèu una anciana granda propietat antica qu'avèva per mèste *Bussucus. Negre, citat per B. Boyrie-Fénié, aima mèi lo gascon bossuga [ o puslèu boçuga ], « luec cabassat, cobèrt de forragars », emb lo sufixe locatiu -an. Coma lo vilatge e sa glèisa son dens una conca de relèu tranquil, mes entre de las còstas au nòrd-èst e au sud, Bénédicte Boyrie-Fénié accèpta mèi o mens l'idèa d'un luec plen de forragars; lo sufixe -an fut utilizat tardivament, donc sa preséncia emb un nom occitan pausa pas de problèma. B. Boyrie-Fénié explica las fòrmas ancianas Bauzugan per la preséncia possibla d'un copista lengadocian, qu'auré subit l'atraccion de bausa, « pèira deu foguèir, ròc escalabrós » . L'istòria d'aqueth copista lengadocian a La Seuga es pas impossibla, mes l'atraccion per bausa d'un segment de mot bossa (= bòça), mot plan mèi frequent, es completament inversemblabla. L'atraccion deu aver jogat dens l'aute sens. De mèi, en 1801, la comuna es encara citada devath los noms de Bausugan e de Bossugan http://cassini.ehess.fr/cassini/fr/html/fiche.php?select_resultat=3001. Lo sol defaut de Bausugan, fòrma d'origina probablament modificada en Bossugan, es la dificultat de trobar los etimes que l'explicarién. Lo germanic bald-, per exemple, consèrva lo -d-. La dificultat es la medisha per un aute -gan, Gardegan, qu'embarrassa Bénédicte Boyrie-Fénié, tot coma Dauzat.
Brunhac es format deu nom latin d'òme Brunius , emb lo sufixe d'origina celtica -*aco-.
Istòria La comuna compren una parròquia despareguda au sègle XVI, Brunhac, que probable fut lo prumèir nucli d'abitat . Ne demòra un castèth d'aqueth nom.
Administracion
Abans la refòrma cantonala de 2014, aplicada en 2015, la comuna èra deu canton de Pujòus; es adara deu canton deus Tuquets de Dordonha.
Demografia
En la populacion èra de abitants e la densitat èra de ab/km².
Lòcs e monuments
Personalitats ligadas emb la comuna
Veire tanben Comunas de Gironda
Ligams extèrnes
Nòtas
categoria:Comuna de Gironda Categoria:Comuna d'Entre Duas Mars Categoria:Comuna de Guiana Categoria:Comuna d'Aquitània (Occitània)