Morens (Mourens en francés) es una comuna bordalesa https://gallica.bnf.fr/ark:/12148/bpt6k9616679v/f77.item.zoom p. 65, cercar a St Martin de Mourens e a St Pierre de Montpezat de Guiana, administrada per lo departament de Gironda de la region de Novèra Aquitània, ancianament d'Aquitània.

Geografia vignette|upright=1.8|centre|Comunas a l'entorn.

Perimètre dau territòri

Toponimia Morens Las fòrmas ancianas son Morenxs, au sègle XIII, Sanctus Martinus de Morenx, au sègle XIII, cappella de Morenxs, en 1342 e en 1361 Bénédicte Boyrie-Fénié, Dictionnaire toponymique des communes. Gironde, ed. CAIRN e Institut Occitan, Pau, 2008, p. 227. Segon Dauzat e Rostaing, Morens vendré d'un nom germanic d'òme Maurus o Moro, damb lo sufixe germanic -ing Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 442, a Maurens. Ernèst Negre, P.H. Billy e Bénédicte Boyrie-Fénié son per lo nom germanic Moringus, qu'a pas besonh de sufixe .

Veire pr'aquò a Morencs (Bearn) perqué Miquèu Grosclaude i tròba una explicacion plan diferenta, basada sus *mor-, « cima arredondida » e un sufixe pre-indoeuropèu *-encs. Veire tanben son estudi sus los noms en -enx (fòrma francesa) en Bearn e dens las Lanas Michel Grosclaude, Dictionnaire toponymique des communes du Béarn, Escòla Gaston Febus, 1991, p. 130 e 385-386 que li hèi refusar una origina germanica dens aquera partida de la Gasconha.

Montpesat I a besonh de cercar los jutjaments daus toponimistas sus d'autes lòcs dau medish nom. Lo prumèir element, mont, dau latin mons, montem, s'aplica a daus pugs o a de las tucas e pausa pas de problèma. Lo segond element, l'adjectiu, estut interpretat coma derivat dau latin pedare « carrassonar la vinha » que prit per extension lo sens de « provesir de fortificacions solidas » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 473. Mès las fòrmas ancianas daus Montpesats son sovent en -pensat, -pensatu- en latin, çò que hèi preferir un derivat de pendere, donc un mont damb de las pentas (pendas, penents) regdas Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 279-280Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 191. Aquera expression conven coma nom publicitari, destinat a descoratjar los enemics, mes ajustarem que geograficament conven completament a Montpesat (corbas de nivèu sarradas cap au sud-oèst) https://www.geoportail.gouv.fr/carte.

Istòria La comuna de Montpesat (anciana parròpia de Sent Pèir de Montpesat) estut annexada a la comuna de Morens (anciana parròpia de Sent Martin de Morens) lo 11 de heurèir 1857 https://web.archive.org/web/20130124070328/http://gael.gironde.fr/pages/Histo_commune.pdf p. 37. Lo borg de Montpesat, petit vilatge sus una sèrra, es a l'oèst de Morens.

Administracion

Avant la refòrma cantonala de 2014, aplicada en 2015, la comuna èra dau canton de Sauvatèrra de Guiana; es adara dau canton de l'Entre Duas Mars.

Demografia

Demografia Montpesat

Lo n° INSEE a estat cambiat per de rasons practicas

Lòcs e monuments

Personalitats ligadas damb la comuna

Veire tanben Comunas de Gironda

Ligams extèrnes

Nòtas

Categoria:Comuna de Gironda Categoria:Bordalés Categoria:Comuna d'Entre Duas Mars Categoria:Comuna de Guiana Categoria:Comuna d'Aquitània (Occitània)