Lo bulgar (autonim: български, bǎlgarski, ) es una lenga eslava qu'aperten al grop meridional oriental. Es essencialament parlada en Bulgaria e dins los païses limitròfs.
Fòrça pròche del macedonian, lo bulgar s'escriu amb l'alfabet cirillic, amb pasmens qualques diferéncias a respècte del rus. Se compausa en efièch de 30 letras, e la prononciacion del bulgar es pro diferenta d'aquela del rus. Tanben foguèt la primièra lenga eslava que produguèt una literatura, e la forma del primièr estadi d'aquesta lenga serviguèt de lenga eclesiastica per la Glèisa Ortodòxa.
Lo bulgar es un cas particular dins l'ensems de las lengas eslavas, amb doas especificitats: es l'unica lenga del grop que non possedís pas de flexions de cas, e es l'unica lenga del grop que possedís un article enclitic (postpausat). Aquela darrièra particularitat ne fa un dels membres de l'union lingüistica balcanica amb lo romanés, lo grèc e l'albanés. Ça que la lo bulgar a conservat tota la complexitat del sistèma verbal que caracteriza las lengas eslavas.
Referéncias
Categoria:Inventari de lengas Categoria:Lenga eslava Categoria:Lenga oficiala de l'Union Europèa Categoria:Bulgaria