Guilhèm lo Conquerant (Falaise, ca. 1028 - Roan, 9 de setembre de 1087), de còps sonat Guilhèm lo Bastard, en rason de l'illegitimitat de sa naissença, èra duc de Normandia (coma Guilhèm II), a partir de 1035, e lo primièir rei normand d'Anglatèrra (coma Guilhèm I), de la fin de 1066 fins a sa mòrt.
Per contentar sas pretencions sus la corona d'Anglatèrra, Guilhèm envasiguèt Anglatèrra en 1066, al cap d'una armada de normans, bretons, flamencs, e franceses per batre las fòrças anglosaxonas del rei Harold Godwinson (que moriguèt dins lo conflicte) a la Batalha d'Hastings, e capitèt de contenir mantuna revòltas anglesas pendent çò qu'es ara nomenat la conquista normanda d'Anglatèrra.
Lo sieu règne, que portèt la cultura anglonormanda en Anglatèrra, aguèt una influéncia sus l'evolucion d'Anglatèrra a l'Edat Mejana. Los detalhs d'aquel impacte e l'importància dels cambiaments foguèron debatuts pels universitaris pendent mai d'un sègle. En mai del cambiament evident de menaire, lo sieu règne veguèt tanben un programa de bastison e fortificacions, de modificacions de la lenga anglesa, un mudament als nivèls pus nauts de la societat e de la glèisa, e l'adopcion de qualques aspèctes de la reforma continentala de la glèisa. Pus controversiats son los cambiaments possibles dins la lei, l'administracion reiala, lo comèrci, l'agricultura, la païsanariá, lo ròtle e los dreches de las femnas, e l'educacion.
Nòtas
Referéncias
Cronologia
Categoria:Duc de Normandia Categoria:Ostal de Normandia Guilhem Anglaterra 01 Categoria:Cap d'estat dau sègle XI Categoria:Conquista normanda d'Anglatèrra Categoria:Bastard Categoria:Data de naissença desconeguda (sègle XI) Categoria:Decès en 1087 Categoria:Naissença en Normandia