Ermengarda de Carcassona († 1099), vescomtessa de Carcassona, de Besièrs e d’Agde, filha de Pèire Raimon, comte de Carcassona e de Raingarda.
Esposèt Raimon Bernat Trencavel († 1074), vescomte d’Albi e de Nimes. D'aquel maridatge es eissida l'ostal Trencavel, e nasquèt : Bernat Aton IV Trencavel († 1129), vescomte de Carcassona, de Besièrs, d’Albi, de Nimes e d’Agde.
En 1067, a la mòrt de son fraire lo comte Raimon Rogièr de Carcassona, la succession del comtat es disputida entre Ermengarda e Rogièr II, comte de Fois, un cosin en linhada masculina. La lucha dura fòrça annadas, car los subeirans, los comtes Raimon Berenguièr Ièr, puèi Raimon Berenguièr II e Raimon Berenguièr III de Barcelona tanben an de pretencions sus la vila e temptan mai d'un còp de s’emparar de Carcassona. Ermengarda es reconeguda vescomtessa sonque en 1082 e parteja lo govèrn amb son filh Bernat Aton.
Annèxes Biografia Foundation for Medieval Genealogy : Raimon Rogièr de Carcassona Los vescomtes d’Albi.
Vejatz tanben Ostal Trencavel Lista dels comtes de Carcassona Lista dels vescomtes de Carcassona
Categoria:Ostal de Comenge-Carcassona-Fois Categoria:Decès en 1099