L'indi (autonim हिन्दी hindī, ) es una varietat estandard de la lenga indostani, qu'es una lenga indoariana, apartenent a la familha indoeuropèa. Una autra varietat estandard de la meteissa lenga es l'ordo. L'indi se parla dins una zòna plan vasta del nòrd d'Índia e ten la foncion de lenga comuna e oficiala en Índia. L'indi s'escriu amb l'alfabet devanagari mentre que l'ordo utiliza l'alfabet arabi.
L'indi es la mai parlada de las lengas d'Índia: d'aprèp l'edicion de 1999 del World Almanach, mai de 360 milions de personas l'utilizarián coma primièra lenga.
Oficialament, deuriá servir de lingua franca en Índia, çò que, dins los faches, es pas lo cas perque solament 50% de la populacion declara l'utilizar.
Referéncias
Categoria:Inventari de lengas Categoria:Lenga indoariana