Joan-Claudi Peiròt (Jean-Claude Peyrot en francés) tanben nomenat Claudi Peiròt (Claude Peyrot en francés) (Milhau, 3 de setembre de 1709 - Palhàs, 3 d'abril de 1795Claude Peyrot - Poésies Rouergates & Françaises, Milhau, 1909) foguèt un prèire e escrivan occitan qu'aviá per escais Lo prior de Pradinàs. Escriguèt tanben de poesias en francés.
Biografia Nascut dins una familha borgesa, filh de Claudi Peiròt e de Claudina MateronEn francés Claude Peyrot, Claudine Matheron., Joan-Claudi Peiròt faguèt d'estudis en çò dels Carmes a Milhau e puèi a Tolosa en cò dels jesuitas. Puèi aprenguèt lo drech fins al nivèl de la licéncia. Dintrèt en seguida al seminari e foguèt ordenat prèire lo 22 de decembre de 1736 e obtenguèt puèi una prebenda a la Basilica de Sant Sarnin a Tolosa. Lo 24 d'agost de 1748, foguèt nomenat prior de Pradinàs en Roergue. Donava als pageses de leiçons de musica e apreniá d'eles fòrça elements d'agricultura. Demorèt a Pradinàs fins al 22 de decembre de 1765, quand foguèt remplaçat per son fraire Alexandre. Tornèt alara dins sa vila natala, Milhau, ont foguèt aculhit qualques meses aprèp, lo 12 d'abril de 1766, dins la comunautat de prèires obituaris fins a la Revolucion Francesa. En 1790, s'installèt a Palhàs en çò de son amic François Hugla.
Bibliografia Poésies diverses, patoises et françaises, publicat en 1774 en Roergue Les quatre Saisons, publicat en 1781 a Vilafranca Œuvres diverses, publicat en 1788 a Vilafranca Œuvres patoises et françaises, 3e édition, publicat en 1810 o 1811 a Milhau1811 segon La France littéraire, ou Dictionnaire bibliographique des savants, historiens et gens de lettres de la France: ainsi que des littérateurs étrangers qui ont écrit en français, plus particulièrement pendant les XVIIIe et XIXe siècles ; 1810 segon lo libre Poésies Rouergates & Françaises de 1909 Œuvres patoises complètes, 4e édition, publicat en 1823 a Milhau Œuvres patoises complètes, 5e édition, publicat en 1855 a Milhau Œuvres patoises complètes, publicat en 1886 a Milhau Les Quatre Saisons, publicat en 1906 a Rodés Poésies Rouergates & Françaises, publicat en 1909 a Milhau
Ligams extèrnes Òbras d'en Peiròt a Google books Las sasons amb traduccion francesa a Google books Epitra de Peiròt
Referéncias
Peirot, joan Claudi Peirot, joan Claudi Peirot, joan Claudi Peirot, joan Claudi