Ramonvila es una estacion cap de la linha B del mètro de Tolosa, situada sus la comuna de Ramonvila e Sent Anha, al sud-èst de Tolosa. Es l'unica estacion de la linha B situada en defòra de la vila de Tolosa.
Situacion sul malhum L'estacion es lo terminus nòrd de la linha B del mètro de Tolosa. Al nòrd-oèst se troba l'estacion Universitat Pau Sabatier.
Istòria L'estacion es inaugurada lo 30 de junh de 2007.
En 2016, l'estacion enregistrèt validacions, ço qu'en fach la 6e estacion sus 20 en tèrmes de validacions de la linha B, après Palais de Justícia e abans Carmes. Representava alara 5% del trafic de la linha.
Servicis als viatjaires
Accès e acuèlh L'estacion compte doas intradas caduna dels dos costats de l'avenguda Flora Tristan.
L'estacion es construcha d'una faiçon a ço que l'òm pòsca far intrar la lum del jorn fins als cais. Es equipada de cais laterals a dotze pòrtas permetent de recebre de ramas de quatre veituras.
Dessèrta Coma dins l'ensemble del mètro tolosenc, la primièra partença de l'estacion e de l'autre cap de linha, Bòrdaroja, es a 5h15, e la darrièra es a 0h del dimenge al dijòus, e 3h lo divendres e dissabte.
Intermodalitat L'estacion es desservida per lo Linéo 6 e las linhas 27, 37, 79, 88, 111, 112, lo Noctambus e lo TAD 119 del malhum Tisséo.
Comporta egalament un parcatge relai de 1050 plaças.
Arquitectura Òbra realizada per Jean-Pierre BertrandLas òbras de la linha B del mètro tolosenc. L'òbra consistís a maridar l'aspècte literari e numeric del mot "RAMONVILLE" del biais que cada letra correspond amb son nombre dins lo reng alfabetic. L'estacion es construita de tal biais que la lutz del jorn dintra fins als cais.
A l'entorn
Naturopòl
Nòtas e referéncias
Vejatz tanben
Articles ligats
Mètro de Tolosa Linha B del mètro de Tolosa Transpòrts en comun de Tolosa
Ligams extèrnes
Site sus l'occitan dins lo mètro de Tolosa Mapa de quartièr de l'estacion
Categoria:Linha B del mètro de Tolosa