Bras (Bras en francés) es una comuna provençala situada dins lo departament de Var e la region de Provença-Aups-Còsta d'Azur.
Lo territòri de la comuna actuaua foguèt ocupat per un abitat protoïstoric fortificat coma va mòstra la descubèrta de vestigis d'un barri e d'activitats artesanaus (terralha, moneda...). En 1015, la preséncia d'un castrum es mancionat. Au sègle XII, s'installèt l'Òrdre dau Temple a proximitat dau vilatge fortificat. Li construguèron una comandariá que favorizèt lo desvolopament agricòla de la region. Après la condamnacion de l'Òrdre, la comandariá passèt sota lo contraròtle deis Espitaliers. L'arribada de la pèsta negra durant lo sègle XIV menèt a l'abandon de l'abitat medievau e la populacion si desplacèt dins lo vilatge actuau, establit sus un plan. Au sègle XIX, la populacion èra de abitants, mai l'exòde rurau menèt a un declin demografic marcat. Lo minimom demografic foguèt agantat en 1968 amb 601 estatjants recensats dins la comuna. Lei migracions periurbanas e l'arribada de retirats en Var permetèron de redreiçar la populacion amb una aumentacion rapida de la populacion a la fin dau sègle XX. Dins aquò, dempuei leis ans 2010, lo nombre d'abitants sembla de s'estabilizar a l'entorn de .
Liames intèrnes
Bibliografia
Charles-Laurent Salch, Dictionnaire des châteaux et des fortifications du moyen âge en France, Estrasborg, Editions Publitotal, 1979, p. 195.
Nòtas e referéncias
Categoria:Comuna de Var Categoria:Comuna de Provença