Bedarrida (en francés Bédarrides e Bedarrido en grafia mistralenca) es una comuna provençala situada dins lo departament de Vauclusa e la region de Provença-Aups-Còsta d'Azur. Se situa au confluent de 7 ribieras dau bassin dau Ròse, amb dei ribieras coma Ovesa o Sòrga. Sei abitants s'apelan lei bedarridencs / bedarridencas.
Geografia La vila de Bedarrida es situada a una dotzena de quilomètres d'Avinhon, de Carpentràs e d'Aurenja, a l'est de la nationala 7 e de l'autorota A7, au nòrd de Sòrga. I accedissèm per la « rota d'Entraigas ».
Perimètre del territòri
Toponimia Lo nom es atestat en 814, Betorrida. Amé prudéncia, Dauzat e Rostaing prepausan lo gallés *petor-ritum, « li quatre gas », idèa sostenguda per Xavier Delamarre, amé la meteissa prudéncia, e los Féniés; aqueu nom seriá format de *petuar(es), *petru, donc *petor (?), e *ritu-, « ga », amé la motivacion de la preséncia de fòrça rius, Ovesa, Mède, doás brancas de Sòrga e d' Auzon Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984Xavier Delamarre, Dictionnaire de la Langue gauloise, ed. Errance, 2na edicion, 2003, p. 258 e 249Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 98.
La prudéncia deis especialistas s'explica fòrt plan : dins un compausat que n'es lo segond element, ritu- es normalament inaccentuat (lo compausat ven un proparoxiton, mot accentuat sus l'avant-avant-darrièra sillaba) e ne demòra qu'una finala en -rt : Ande-ritum > Niòrt (de Saut), *Ambo-ritum > Ambòrt (Cantal), *Cambo-ritum > Chambord (Loir e Char), etc. Dins Bedarrida, la sillaba -rit demòra entièra. Aquí perqué Xavier Delamarre daissa de caire lo cas de Bedarrida dins un libre posterior Xavier Delamarre, Noms de lieux celtiques de l'Europe ancienne, ed. Errance, 2012. L'avançament de l'accent tonic s'explica pas perqué lo latin vulgar o lo pre-occitan refusavan lei proparoxitons, a la diferéncia del gallés. Non, n'avián tanplan coma lo gallés. I a una sola explicacion : i aviá quauque apondi (un sufixe ? un sufixe que començava per a- ?) après lo compausat *petor-ritu e l'accent tonic èra forçat d'avançar d'una sillaba.
Istòria
Administracion
Abans la refòrma cantonala de 2014, aplicada en 2015, la comuna èra dau canton de Bedarrida; es ara dau canton de Sòrgas. Desempuèi lo 1èr de genier 2017, Bedarrida (coma Sòrgas) quita la comunautat de comunas di País de Ròse e Ovesa e intègra la Comunautat de comunas di Sòrgas dau Comtat.
Demografia
Luòcs e monuments
Personalitats liadas ambé la comuna
Veire tanben Comunas de Vauclusa
Liames extèrnes
Nòtas e referéncias
Categoria:Comtat Venaicin Categoria:Comuna de Vauclusa Categoria:Comuna de Provença