Enric Abadia (Henri Abadie en francés), vadut eth 13 de heurèr de 1963 en Tarba, en departament deths Hauts Pirenèus e era region de Mieidia-Pirenèus, qu'ei un ciclista bigordan.
Biografia En 1985 que ganhè ua etapa dera Rota de França e deths Tres dias deths Mauges. Que vadó atau professionau en 1986 en'equipa Fagor. Arron d'ua purmèra victòria obtienguda autanlèu era sua purmèra sason sus era 15 etapa deth Torn de Portugal, que s'afirmè com un bon garrapaire, acabant 19 deth Criterium deth Daufinat desliurat, e dus còps 2 d'etapa suu Torn d'Espanha. Eras suas nombrosas escapadas suber aquesta correguda que'u permetón de ganhar era classificacion deths sprints intermediaris.
Que's restaquè en 1988 ar'equipa Z-Peugeot. Que i acabè 4 deth Gran Prèmi de Plumelec, puish que ganhè en 1989 era sua purmèra e unica correguda d'un dia, eth Trofèu deths Garrapaires, en mei d'uas etàpas dera Rota deth Sud, puish deth Mieidia Libre en 1990, on e portè eth malhòu jaune durant tres dias. Era medisha annada 1989, qu'acabè 12 dera classica bèlga Lièja-Bastogne-Lièja e 19 deth Criterium deth Daufinat desliurat, çò qui'u permetó de figurar ara 192 plaça dera classificacion FICP, era sua miélher classificacion. Ar'escadença dera sua purmèra participacion ath Torn de França que gaudí d'ua popularitat inatenduda gràcias ara simpatia qui esprovè tà eth eth presentador de television Jacques Chancel, qui e'n hasó ua deras mascòtas dera sua emission, À chacun son TourLa télé et le Tour, Dominique Turgis, mémoire du cyclisme, 3 de julhet de 2004..
Que's restaquè a Toshiba en 1991, on e ganhè eth son darrèr trionf, ua etapa deth Criterium deth Daufinat desliurat. Que hiquè fin ara sua carrèra professionau en 1992, alavetz qui corrí tà Chazal.
Palmarés 1986 15 etapa deth Torn de Portugal
1989 Trofèu deths Garrapaires 4 etapa dera Rota deth Sud
1990 1 etapa deth Gran Prèmi deth Mieidia Libre
1991 4 etapa deth Criterium deth Daufinat desliurat
Resultats suus grans torns
Torn de França 1988 : 44 1991 : 108
Torn d'Espanha 1987 : 47, vencedor dera classificacion deths sprints intermediaris
Torn d'Itàlia 1986 : 114 1990 : 48
Referéncias
Categoria:Correire ciclista francés Categoria:Ciclista occitan Categoria:Naissença en 1963 Categoria:Esportiu Occitan