Òlt (o Òut) es una ribièra del Massís Central en Occitània. Pren sa font sus la Montanha del Golet dins las Cevenas, e s'escampa dins Garona près de Gulhon, en Guiana. Truèire que s'escampa dins Òlt en riba drecha a Entraigas de Roergue es son principal afluent.
Idronimia Qualques fòrmas ancianas: Oltis, al sègle V, Out, a Caors, al , Ultra Outum, a Vilanuèva d'Òut, en latin, en 1271.
La fòrma Òlt es la de regions del Massís Central que gardan -l en finala de sillaba davant t (oposicion nalta/nauta). Dins la practica, -t s'amudís en finala. Endacòm mai, la fòrma regulara es Òut, sense article, prononciada generalament [ɔw]. Dins la lenga parlada, la fòrma majoritària es lo Lòt.
En Agenés, se ditz L'Òut [lɔw] dins los parlars de la region de Fumèl, ambe l'article, lo Lòt en aval.
Dins los parlars lexicalament conservators de Gavaudan, i a mai que mai doás situacions: Z-Òlt [zwɔl] (situacion a l'entorn de La Canorga), [lu lɔt], ambe coneissença de l'anciana fòrma [zwɔl] (observat a Esclanedes).Enquèstas toponimicas de Sivadon, setembre de 2019.
En Roergue se ditz pertot Lo Lòt mas la forma Òlt [wɔl] ([zwɔl] darrièr una vocala) es plan coneguda en amont de la confluéncia amb Truèire gràcias als noms franceses dels vilatges ribairencs de Sant Laurenç d'Òlt, Sent Ginièis d'Òlt, Senta Aulària d'Òlt e Sant Cosme d'Òlt.Segon los remembres de Bernieyrou.
Nòtas e referéncias
Categoria:Aiga d'Occitània Categoria:Aiga de Losera Categoria:Aiga d'Avairon