L’arrondiment de Carcassona es una division administrativa francesa del departament d’Aude, dins la region d’Occitània, ancianament de Lengadòc-Rosselhon. Istòria Se creèt l’arrondiment de Carcassona en 1800.
En 1926, i annexèron los quatre cantons de l’arrondiment de Castèlnòu d’Ari, suprimit. En 2017, cediguèt 27 comunas a l’arrondiment de Narbona e ne prenguèt 7 a l’arrondiment de Limós."R76-2016-12-29-012 Arrêté préfectoral modifiant les limites des arrondissements de l'Aude". Préfecture de la Région Occitanie. [http://www.prefectures-regions.gouv.fr/occitanie/content/download/29091/199412/file/recueil-r76-2016-244-recueil-des-actes-administratifs-special.pdf Recueil des actes administratifs spécial n°R76-2016-244. 29 de decembre de 2016.
Composicion d'aquí a 2015 Canton d'Alzona Canton de Bèlpuèg Canton de Campendut Canton de Carcassona-Centre Canton de Carcassona-Èst Canton de Carcassona-Nòrd Canton de Carcassona-Sud Canton de Castèlnau d'Arri-Nòrd Canton de Castèlnau d'Arri-Sud Concas Canton de Fanjaus Canton de La Grassa Canton del Mas de Cabardés Canton de Montreal (Aude) Canton de Motomet Canton de Peiriac de Menerbés Canton de Saissac Canton de Salas d'Èrs
Composicion a partir de 2015-2017 Lo nombre de las comunas d'un arrondiment pòt cambiar pr'amor de las fusions de comunas dins las comunas novèlas. En 2017, la composicion dels arrondiments es estada modificada per s'adaptar a las intercomunalitats. En 2017, l'arrondiment ganhèt 7 comunas al detriment de l'arrondiment de Limós : Velflor, Cumièrs, Fajac de la Relenca, Marquènh, Meservila, Molevila e Sant Miquèl; atal la Comunautat de comunas de Castèlnau d'Arri Lauragués Audenc passèt entièrament a un sol arrondiment, lo de Carcassona. Pr'aquò, perdèt 27 comunas, passadas a l'arrondiment de Narbona, per tal de permetre a la Comunautat de comunas de la Region Lesinhanenca, Corbièras e Menerbés d'èsser dins un sol arrondiment. L'arrondiment de Carcassona perdèt atal sa coá meridionala. Son totas las 18 comunas de l'ancian canton de Motomet, 6 comunas de l'ancian canton de La Grassa, La Grassa, Ribauta, Sant Martin dels Poses, Sant Pèire dels Camps, Talairan, Tornissan e 3 comunas de l'ancian canton de Campendut, Mos, Ròcacorba de Menerbés e Sant Coat d'Aude. L'arrondiment passèt atal de 207 comunas a 187 comunas en 2017. En 2019, Ròcatalhada e Conilhac de la Montanha fusionèron en formant la comuna novèla de Ròcatalhada e Conilhac e l'arrondiment passèt a 186 comunas en 2019.
Referéncias
Categoria:Arrondiment d'Aude Categoria:Aude