200px|thumb|right|La Talvera sus l'empont a La Rabastinhòla (festenal occitan de Rabastens) lo dissabte dètz de julhet de 2021 La Talvera es un grop de musica occitan (Lengadòc naut), capitanejat per Danièl Loddo e Celina Ricard.
Istòria La Talvera foguèt creada al començament de las annadas 1980 per ajudar a pagar las recèrcas etnomusicologicas de qualques personas que volián sauvar e valorizar la musica tradicionala. Lo grop demorèt plan temps un grop ont totòm podiá venir jogar, plan estacat al repertòri tradicional. Puèi tre las annadas 1990 l'orquèstra se professionalizèt, per prene mai o mens sa forma d'ara : Danièl Loddo, autor e compositor, cantaire, crabaire, jogaire de diableton, Celina Ricard al cant, pifre e graile, Fabrici Rogièr a las clarigòlas, Sèrgi Cabau o Tederic Rogièr a las percussions, Paul Goillot al gimbri e als clavièrs. D'uèi La Talvera, es un grop, de segur, de musica occitana, mas tanben : ni ragga, ni "world", ni soncament tradicional, mas amb un repertòri enriquesit pels encontres ambe los musicians del Massilia Sound System, los repentistas improvisators brasilièrs. Occitana, mas tanben mediterranèa, tradicionala mas contemporanèa, la musica de La Talvera bastís de palancas, d'un continent a l'autre, d'un temps a un autre.
Discografia Fa res o re fa (1993) Cançons del silenci (1996) Dançadas (1996) Turlututú (1997) Pampaligossa (1999) Faguem ribòta (2000) Pòble mon pòble (2003) Quincarelet (2005) Cants e musicas del país de Lodeva (2006) Bramadís (2007) Sopac e patac (2009) Cançons Pebradas (2011) ForrÒccitània (2012) Solelh solelhaire (2014) Turlututú 2 (2017)
Membres del grop alt=La Talvera a Castelnau d'Ari|vinheta|La Talvera a Castèlnòu d'ArriDanièl Loddo: autocompositor, cantaire, bodegaire, Diableton Celina Ricard: cant, graile, pifre Fabrice Rougier a las clarigòlas Serge Cabau o Thierry Rougier a las percussions Sergio Saraniche : guitarra, bassa Tony Canton al violon
Ligams intèrnes Discografia de La Talvera
Ligams extèrnes Lo sit oficial de La Talvera LA TALVERA - Lo meu país - ESTIVADA 2015
* Categoria:grops e cantaires d'Occitània Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020 Categoria:Linha Imaginòt