Kyiiv o Kiev (en ucraïnian Київ, Kyiiv ; en rus Киев, Kiev) es la capitala e vila mai granda d’Ucraïna. Se situa dins la part centre-nòrd del país, còsta lo riu Dnièpre. En julh de 2013 la ciutat comptava oficialament 2.847.200 abitants, e mai se d'autres nombres mai importants son estats avançats.
Kyiiv es un centre important per çò qu’es de l’industria, de las sciéncias e tanben de la cultura per l'Euròpa de l'èst.
La data exacta de sa fondacion demòra descobeguda. Las recercas arqueologicas fan pensar que Kyiiv venguèt una vila a la fin del . Kyiiv foguèt la capitala de Rutènia, de la principautat de Kyiiv, del grand ducat de Rutènia, de la Republica populara ucraïniana, de l’Estat ucraïnian e de la Republica socialista sovietica d'Ucraïna. Kyiiv foguèt tanben lo centre administratiu de la voïvodia de Kyiiv, del governament de Kyiiv, del districte general de Kyiiv pendent la Segonda Guèrra mondiala e de l'óblast de Kyiiv.
La vila es un dels pus ancians centres de l'Euròpa de l'Èst e del cristianisme. La catedrala de Santa Sofia e la Laura de las baumas de Kyiiv son marcadas a la lista del patrimòni mondial.
Division administrativa La vila de Kyiiv es devesida en raions (en ucraïnian: район, valent a dire districtes o arrondiments, division tanben emplegada dins las províncias o oblasts).
La capitala ucraïniana ten 10 raions: Raion de Shevchenko (Шевченківський район) Raion de Solomiansk (Солом'янський район) Raion de Pechersk (Печерський район) Raion de Podil (Подільський район) Raion de Holosiïu (Голосіївський район) Raion de Darnytsia (Дарницький район) Raion de Dnipro (Дніпровський район) Raion de Desna (Деснянський район) Raion d'Obolonh (Оболонський район) Raion d'Sviatoshin (Святошинський район)
Nòtas e referéncias
Categoria:Vila d'Ucraïna Categoria:Capitala europèa