Lo Seten sagèl (Det sjunde inseglet en version originala) es un filme del cineasta suedés Ingmar Bergman sortit en febrièr de 1957.
Obtenguèt lo Prèmi Especial de la jurada al Festenal de Canas 1957, ex aequo amb Kanal del realizator polonés n'Andrzej Wajda.
Sinòpsi
Sèm en Suècia al sègle XVI amb una epidemia de pèsta que s'afraba lo país tot. Un cavalièr crosat, n'Antonius Block, se'n torna a país aprèp mai de dètz ans d'abséncia.
El e lo siu escudièr Jöns se rescontran la Mòrt sus una platja desèrta.Cal pas jamai oblidar qu'en suedés död coma en alemand Tod es mòrt un vocable e doncas un concèpte masculin. Li ne prepausa alavetz lo cavalièr una partida d'escacs, en tot esperar d'aquel biais poder retardar l'eissida fatala mai lo temps de trobar una solucion als sius questionaments metafisics.
Dementre lo siu escudièr ne va parlant de l'idèa amai lo concèpte de nonrés, lo siu mèstre descubrís al passatge d'una procession de flagellants que la paur es l'unica fondamenta de la religion. Ne va èsser tot parièr el testimòni d'una joventa cremada en lenhièr.
Rasis eles una jove familha de forencs s'encamina en pel país tormentat.Al siu contacte, ne va descubrir n'Antonius que lo bonaür terrenal existís dins los plaseròts pus simples de la vida. Lo rison d'una femna jove que li porgís lach e majofas al siu mainadòt n'es per el la revelacion.
Lo cavalièr amb lo sieu escudièr e dequ'unes amics rescontrats en pel camin del retorn, tornan trobar lo castèl que daissèron dètz annadas de per abans. Son aculits per la castelana mas la Mòrt truca a la pòrta per lèu los s'emportar totes dins una desparaubla, descabestrada e fantastica dança dels mòrts.
Citacion
... E quand l'Anhèl dubriguèt lo seten sagèl, lo cèl entièr s'ensilencièt, per mièja orada gaireben. E me vegèri los Sèt Àngels que ne son plaçats davant Dieu: sèt trompetas li porgiguèron. (...) Apocalipsi segon sant Joan Evangelista, cap. 8)
Ficha tecnica
Interprèts e personatges Max von Sydow: Antonius Block, cavalièr crosat Gunnar Björnstrand: Jons, lo sieu escudièr Bengt Ekerot: la Mòrt Nils Poppe: Jof, forenc Bibi Andersson: Mia, la molhèr de Jof Inga Gill: Lisa, la molhèr del fabre Maud Hansson: la Bruèissa Inga Landgré: Karin Block, la castelana Gunnel Lindblom: Jove seguidor del cavalièr Bertil Anderberg: Raval Anders Ek: lo Monge Åke Fridell: lo Fabre Plog Gunnar Olsson: Albertus Pictor, pintor de la glèisa
Analisi
Prèmis e guerdons 75 px
1957: Prèmi especial de la jurada del Festenal de Canas (ex æquo amb Kanal de n'Andrzej Wajda) 1961: Riban d'argent idem Nastro d'argento decernit pel Sindacato Nazionale Giornalisti Cinematografici Italiani... del melhor realizator de filme estrangièr per lo Sindicat Nacional dels Jornalistas de Cinèma Italians 1962: Fotograma de plata Decernit per la revista espanhòla Fotogramas... del melhor interprèt de filme estrangièr per Max von Sydow 1962: Prèmi Sant Jordi del melhor filme estrangièr 1962:Prèmi Sant Jordi del melhor realizator estrangièr 1962: Prèmi del melhor filme estrangièr per lo Cercle dels escrivans de cinèma espanhòls idem Círculo de Escritores Cinematográficos de España... 1962: Prèmi del melhor realizator estrangièr per lo Cercle dels escrivans de cinèma espanhòls
Vejatz tanben 35 px Ingmar Bergman
Ligams extèrnes 50 px Lo Seten sagèl sus IMDb Il settimo sigillo / Lo Seten sagèl
Nòtas & referéncias <references>
Categoria:Cinèma Categoria:Ingmar Bergman