Karaez-Plougêr en breton (Carhaix-Plouguer en francés) es una comuna bretona situada dins lo departament de Finistèrra e la region de Bretanha.
Coneguda dempuèi l'Antiquitat jol nom de Vorgium, nom latin de la capitala del pòble galés dels Osismes, es ara coneguda per aculhir, dempuèi 1995, lo festenal de las Vièlhas Carrugas qu'es l'un dels festenals de musica mai famoses d'Euròpa.
Geografia
Karaez se situa dins lo Poher, important territòri de Cornoalha (Kernev en breton), ensarrat entre los monts d'Are al nòrd e las montanhas Negras al sud. L'aglomeracion s'es desvolopada principalament sus una plana situada a l'entorn de 140 mètres d'altitud, en pendent doç cap a l'oèst, las altituds mai elevadas essent a l'èst al delà de l'aglomeracion a l'entorn de 155-169 mètres d'altitud. Aquela plana es limitada al nòrd per la val encaissada de Yer (desnivèlat de 60 mètres qu'impausèt la bastison d'un aquaducte a l'epòca romana per lo poder passar) que corrís a l'entorn de 80 mètres d'altitud, e al sud pel rec de la Magdalena que lo traçat foguèt repres pel canal de Nantas a Brèst. Yer provòca de còps de grèus aigats : en març 1903, la capèla de Santa-Catarina situada en Plounévéze al limit de Karaez, aguèt d'aiga fins al cobert dels ostalsPeriodic dels debats politics e literaris n° del 7 de març de 1903, consultable http://gallica.bnf.fr/ark:/12148/bpt6k4811192.R=carhaix.F3.langFR.hl, emai en 1910 fins als veirialsLo Temps n° 18039 del 19 de novembre de 1910, consultable http://gallica.bnf.fr/ark:/12148/bpt6k240307x.R=carhaix.F4.langFR.hl.
Geologicament, Karaez se tròba al centre del bacin de Châteaulin, constituit principalament de lausa (de còps de gres) e que forma una depression topografica entre monts d'Are e montanhas Negras.
Vengudas comunas a la Revolucion francesa, Karaez e Plougêr fusionèron en 1956 e prenguèron oficialament lo nom de Carhaix-Plouguer. Lo conselh municipal de Karaez ne faguèt la demanda tre l'an 1862Procès-verbal de las sessions del conselh general del Finistère, session de 1862, .
Istòria
Administracion
Demografia
Luòcs e monuments
Personalitats ligadas amb la comuna
Véser tanben
Ligams extèrnes
Nòtas
Categoria:Comuna de Bretanha Categoria:Comuna de Finistèrra