thumb|320px|Claudi Martí, fotografiat per Aura Seguièr, a Carcassona durant la manifestacion de 2009 per l'occitan
Claudi Martí (en francés: Claude Marti-Salazar; Carcassona, 6 de març de 1940) es un musician e cantaire occitan, d'ascendéncia catalana e aragonesa, retengut coma una de las voses mai importantas (amb Patric, Joan-Pau Verdier, Mans de Breish e d'autres) de la recuperacion culturala e musicala dels ans 70, fenomèn sonat Nòva Cançon.
Nascut a Carcassona, cantèt de cançons plan engatjadas coma Montsegur, Perqué m'an pas dit o Un país que vòl viure qu'evocavan la repression e la somission culturala e lingüistica en tèrras occitanas, sens doblidar Lengadòc Roge una mena d'omenatge a las victimas de la repression de 1907 e Los comandos de la nuèit qu'evoca las accions clandestinas dels vinhairons.
Filh d'imigrants aragoneses, los grands li aprenguèron lo catalan, que sortissián de la Franja orientala d'Aragon, la partida catalanofòna de la comunautat autonòma d'Aragon. Tanben li aprenguèron lo castelhan e «qualquas expressions en aragonés».
A partir dels ans 80 cambièt completament sa trajectòria musicala e politica per cantar en maitas lengas mai que mai en francés e en espanhòl (per encausa de sas originas) e gaireben pas mai en occitan.
Discografia vinheta|Claudi Martí Retorn (2023) Brassens en Oc (2010) Tolosa (2008) Çò Milhor (2006) El jinete (2002) Et pourtant elle tourne… (1992) Monta vida (1980) Lo camin del solelh (1976) L'an 01 (1975) L'òme esper (1974) Lo país que vòl viure (1973) Martí (1972) Montsegur! (1972) Lengadòc roge (1971) Occitània! (1969)
Libres Homme d'Oc (1974) Claude Marti (1974) Caminarem (1978) Les petites Espagnes (1984) Ombres et lumière (1998) Carcassone (1998) Corbières au cœur (1998) Trencavel (1999) Carcassonne au cœur (1999) Minervois au cœur (2002) L'Olivier ou la résurrection de l'éternel (2003) La Cité de Carcassonne, facsimile de l'obratge d'Albèrt Robida de 1893 (2012) Je t'écris de Carcassonne (1905-1914), en collaboracion amb :fr:Patrice Cartier (2011) Je t'écris de Carcassonne (1919-1939), en collaboracion amb Patrice Cartier (2015)
Ligam intèrne Discografia de Claudi Martí
Ligam extèrne Sit oficial
Categoria:Naissença en 1940 Categoria:Cantaire Categoria:Naissença a Carcassona Categoria:Musica occitana Categoria:Cantaire occitan Categoria:Cantaire francés * Categoria:grops e cantaires d'Occitània Martí, Claudi Martí, Claudi Categoria:Cantaira e cantaire dels ans 2000