Lo camin dels bons òmes es un itinerari toristic de 189 km entre lo castèl de Montsegur en Arièja e lo santuari de Queralt situat en Berguedà en Catalonha - que se pòt far a pè, a caval o en bicicleta de montanha.
Los bons òmes o bons crestians, èran los tèrmes qu'utilizavan los catars per se nomenar els meteisses.
Lo camin dels bons òmes, uèi transformat en GR-107, porgís la possibilitat de tornar percórrer las rotas de migracion qu'an utilizat los catars, entre los sègles XII e XIV, quand fugissián la persecucion de la crosada e de l'Inquisicion.
Lo Camin dels bons òmes torna seguir las traças del catars al travèrs de vilatges medievals, de glèisas romanicas e de castèls. Aquesta rota que, a mai del seu aspècte istoric, camina per la zona protegida del Pargue Natural del Cadí-Moixeró permet de contemplar de païsatges emmascants e de visitar de vilatges de montanha, e d'endreches que consèrvan legendas e tradicions centenàrias.
Es indispensable abans de començar la rota de se documentar sobre las caracteristicas del percors e de se provesir del material necessari.
Luòcs d'interès per ont passa la rota Berga Queralt Casanova de les Garrigues Bonner Cercs Gósol Bagà Saldes Coll de Pendís (anciana dintrada de la comarca de Cerdanha fins qu'al sègle XX se dobrisca la Collada de Tosses). Bellver de Cerdanya Coborriu de la Llosa Portella Blanca Merens Ax Prada de Conflent Tarascon Castèl de Montsegur Fois
Ligams extèrnes Sit web del Camin dels Bons Òmes
Sobre la referéncia a l'usança del tèrme de Bons Crestians: Registre de l'inquisicion de Pàmias. Jaume Fornièr 1318-1325. Traduccion en anglés de Nancy P. Confessions dels eretges catars e josieus.
Categoria:Catarisme Categoria:Pirenèus Categoria:Torisme