thumb|250px|Jimbo Wales a una conferéncia a FOSDEM 2005 a Brussèlas, Belgica
thumb|Jimmy Wales en 2014 a las Conferéncias Globalas CeBIT
Jimmy Donal Wales, mai conegut coma Jimbo Wales (Huntsville, 7 d'agost de 1966), es un entrepreneire d'Internet, conegut internacionalament per causa qde Wikipèdia coma un dels fondadors d'aqueste projècte, amb Larry Sanger. Son ròtle e son discors al sen d'aquesta enciclopèdia liura son criticats durament per mantun membre del forum de critica wikipedian Wikipediocracy.
Biografia
Jimmy Wales nasquèt a Huntsville, (Alabama), Estats Units en 1966. Estudièt a l'escòla Randolph e mai tard se diplomèt en finanças a l'Universitat d'Auburn (Alabama). Amassa amb Larry Sanger, Wales fondèt la Wikipèdia, una enciclopèdia basada sul concèpte wiki e lo modèl de programacion liura.
Es actualament lo president de la Fondacion Wikimèdia, una fondacion sens tòca lucrativa situada a Tampa (Florida).
Wales es un admirador de l'objectivisme, la filosofia desvolopada per la filosòfa e escrivana russoamericana Ayn Rand. Del temps qu'estudiava a l'Universitat, foguèt proprietari e moderador d'una lista de corrièr sonada "Discussion moderada en Filosofia Objectivista".
Vejatz tanben Sa pagina d'utilizaire sus la Wikipèdia en anglés
Ligams extèrnes
Jimmy Wales (pagina personala) Jimmy Wales (blòg personal) Entrevista a USA Today Article de Newsweek Entrevista de Bbc.com en espanhòl Lista extrèmament desactualizada de Mailing sus l'objectivisme
Categoria:Wikipèdia Categoria:Naissença en Alabama Categoria:Naissença en 1966