thumb|300px|right|Lo conilh, Oryctolagus cuniculus.
Lo conilh (var. coniu) o lapin europèu, Oryctolagus cuniculus (Linnaeus, 1758), es un pichon mamifèr de l'òrdre dels lagomòrfes e de la familha dels leporids. Sola espècia del genre Oryctolagus, l'Oryctolagus cuniculus es comun en Euròpa, en Austràlia e un pauc de pertot dins lo mond. Se destria: Lo conilh de garena quand es salvatge. Lo conilh domestic, d'elevatge, amb de raças e varietats nombrosas.
Nomenclatura e sistematica
De pas confondre lo conilh europèu, unic leporid del genre Oryctolagus amb d'autres conilhs de la familha dels leporids, apartenent a d'autres genres coma per exemple lo conilh d'America.
Sosespècias de còps reconegudas del conilh de garenaLos cosinièrs franceses : ITIS Oryctolagus cuniculus cuniculus (Linnaeus, 1758), l'ancèstre del conilh domestic.Conejodins lo sit Oryctolagus cuniculus huxleyi Haeckel, 1874 NCBI Oryctolagus cuniculus algirus, que sa preséncia es limitada a Galícia, Portugal, e a la mitat sud-oèst de la Peninsula Iberica. De talha un pauc mai pichona que O.c.cuniculus.
Descripcion Morfologia Lo conilh se diferéncia de la lèbre per mantuna caracteristica : d'aurelhas mai cortas que lo cap ; un iris brun sombre ; l'ongla d'artelh pas fenduda ; una gestacion de 31 jorns ; de pichons que naisson cècs e nuds; la vida en societat ierarquizada ; 44 cromosòmas.
A una forradura doça, d'aurelhas longas (pus cortas çaquelà que las de la lèbre) e una coa pichona.
Se lo conilh de garena pesa environ 2 kg per 45 cm de long, la talha dels conilhs domestics varia enòrmament d'una varietat a l'autra (Nowak, 1999). Lo mai grand, lo gigant de las Flandras, pòt aténher 8 kg e 80 cm de long mas lo conilh marran nan despassa a pena 1 kg, de còps mens pels conilhs extranans. La forradura es originalament gris biset - amb de còps de nuanças negras o rossas - e un ventre pus clar e lo dejós de la coa blanc, mentre que los conilhs domestics presentant de colors fòrça variadas, unifòrmas, degradadas o pigalhadas. N'existisson environ 80 varietats (ADW).
Compòrtament Lo conilh es un animal nocturne e crepuscular.
Articles connèxes Conilh domestic Conilh de garena Conilh d'America Lèbre
Ligams extèrnes
Sites de referéncia
Nòtas
Categoria:Mamifèr (nom scientific) Categoria:Lagomòrf Categoria:Leporid Categoria:Mamifèr d'Occitània