Brossas e Vilaret (Brousses-et-Villaret en francés) es una comuna lengadociana situada dins lo departament d'Aude e la region d', ancianament de Lengadòc-Rosselhon.
Geografia Las doás aglomeracions son sus la RD 103, probablament pas a l'origina, pr'amor de la situacion de las glèisas (per Vilaret, la capèla Sant Estève, anciana glèisa, remplaçada per una autra que garda lo meteis vocable). Malgrat le nom, le Vilaret demòra una aglomeracion d'una relativa importància.
vignette|upright=1.5|centre|Comunas a l'entorn. Perimètre del territòri
Toponimia Brossas Las fòrmas ancianas son : Bruciae en 934, Villa quae vocatur Broxas en 950, Brossas en 1245, Ecclesia Sante Marie de Brocis en 1249, Castrum de Brossis en 1270, Locus de Bross. (sic, comprene Brossis) en 1377, Brousses en 1781. La prononciacion occitana es Broussos Abbé Sabarthès, Dictionnaire topographique du département de l'Aude, 1912, p. 48, legir en linha https://gallica.bnf.fr/ark:/12148/bpt6k110095d/f140.item.texteImage , dins la grafia de l'abat Antòni Savartés, donc [bru'sɔs]. Brossa, mot prèp de brosta, del germanic *brustjan, « borronar, botonar », a lo sens de « barta, bartàs, boissonada, talhada, talhadís », eventualament « bòsc » o al revèrs « bruguièra »Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 119, a BrosseBénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 269. Vilaret Vilaret o probablament lo Vilaret (mapa Michelin) es una anciana comunautat. Lo vocable de la glèisa es Sant Estève. Las fòrmas ancianas son : Villare quod nominatur Sancti Stephani en 889, Villa quae vocatur Grecentarius sive Villareleto, cum ecclesia Sancti Stephani en 950, De Cressenteriis, alias Craissenteriis en 1217, Ecclesia sancti Stephani de Villario en 1249, Decanatus de Villario prope Sanctum Dyonisium en 1347, Villar en Cabardès... esglise Sainct Estienne au cimetière en 1641, Villaret en 1781Abbé Sabarthès, Dictionnaire topographique du département de l'Aude, 1912, p. 470, legir en linha https://gallica.bnf.fr/ark:/12148/bpt6k110095d/f562.item.texteImage . Vilaret es un diminutiu (sufixe -et, [vengut del latin -ittum]) de Vilar, del latin villare, que deriva de villa e que representava una partida de la villa, granda proprietat antica e medievala, doncas un masatge, una bòria, un lòc a despart a l'interior de la villa Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 715 e 718. Lo nom ancian *Graissentièras o benlèu *Graissantièras (los escribas aimavan latinizar los mots que ne sabián pas l'origina e per exemple far de -an un pus presentable -en) s'explica per la preséncia de grapauds (gallic craxanto- Xavier Delamarre, Dictionnaire de la Langue gauloise, ed. Errance, 2na edicion, 2008, p. 128).
Istòria Las doás comunautats son unidas dempuèi la revolucion, en 1792. Brossas aimava mai s'aplegar ambe'l Vilaret puslèu qu'ambe Fraisse, perqué los abitants non s'endevenián; escriguèron al Conselh del Departament lo 21 de novembre e la requèsta foguèt acceptada Procès verbal de la session du conseil du département de l'Aude. 1792 p 207.
Administracion
Demografia
En la populacion èra de abitants e la densitat èra de ab/km².
Lòcs e monuments
Personalitats ligadas amb la comuna
Véser tanben Comunas d'Aude
Ligams extèrnes Brossa e'l Vilaret sul site de l'Insee
Nòtas
Categoria:Comuna de Lengadòc Categoria:Comuna d'Aude