Drona (en francés Dronne, ancianament Drône) es una ribiera (au sens locau) occitana, o un flume (un riu) occitan, dau sud-oest de França (regions de Lemosin e d'Aquitània).
Etimologia Las fòrmas ancianas son Drona en 1215, Druna (Jean-Papire (?) Masson, Descriptio Fluminum Galliae, 1618). Segon Chantal Tanet e Tristan Hordé, lo nom a la mesma origina que Dordonha. Los elements serián una raiç preceltica *dor- e un sufixe gallic *-onaChantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 348. Xavier Delamarre plaça Drona dins los noms celtics, emb un etime drunāXavier Delamarre, Noms de lieux celtiques de l'Europe ancienne, ed. Errance, 2012, p. 142. Una raiç preceltica e un sufixe celtic son pas çò de pus probable.
Drona a per origina la rasiga preceltica e idronimica °Dur- (que donet tanben Dordonha, Durença,...), e lo sufixe °-ona (que donet tanben Dordonha, Lisona,...). L'evolucion de Dur-ona a Drona es normala.
Geografia La font de Drona se tròba en Lemosin (departament de Nauta Vinhana), rasis la Forest de Las Tors, entre Bussiera (Galand) e Los Cars. Son cors es de 201 km. Se junh a Eila prep de Cotràs (Gironda).
Departaments e localitats asaigadas Nauta Vinhana Dordonha : Sent Pardon la Ribiera, Champanhac, Brantòsme, Bordelha, Sent Abre, Rabairac, Senta Aulaia e Pueimangor, La Ròcha Chalés Charanta : Aubaterra Charanta Maritima : Sent Agulin Gironda : Cotràs
Afluents principaus Còla, 51 km Bolon, 24 km Eucha, 12 km Dosela (Dozela en 1309Vicomte de Gourgues, Dictionnaire topographique ... de la Dordogne ), 11 km Lisona, 60 km, tanben apelada Nisona Ausona, 13 km Risona, 27 km Tuda, 43 km Mama, 12 km Chalaure, 20 km Golor, 11 km
Luòcs remirables
Lo Saut dau Chaslar, dins la comuna daus Champs e Romanh, onte la ribiera passa dins un angost e fai una brava sautada. Le pont medievau de Senta Aulaia (segle XIV segon los Monuments Istorics).
Ligams externes
Nòtas
Categoria:aiga d'Occitània Categoria:Bacin de Dordonha Categoria:aiga de Nauta Vinhana Categoria:aiga de Dordonha Categoria:aiga de Gironda