Los signes ieroglifics unilitèrs que son ieroglifs fonetics qui simbolizan una sola consonanta.
A la debuta, aqueth signes que son estats ideogramas representant un èste, un objècte o ua idèa puish que son estats emplegats per simbolizar lo son (o ua partida) associat au lor significat ideografic, en bèth vàder atau, signes fonetics.
Lista deus signes ieroglifics unilitèrs
Lo votre 𓄿 G1 <ꜣ> èra una liquida, probablament [l]. En egipcian tardiu, se con·honut dab <j>, e coma <j>, se perdut la màger part dau temps. La canavèra 𓇋 M17 <j> representava [j] o, a l’iniciala, una abséncia de consonanta. [j] se perdut la màger part dau temps. Una varianta n’èra 𓏭 <ı͗>. La canavèra dobla 𓇌 <y> èra una convencion mei tardiva per representar la [j] conservada, que correspón en còpte a <ⲓ/ⲉⲓ>. Lo braç 𓂝 D36 <ꜥ> èra probablament [d] avant d’evoluïr en [ʕ]. Aqueth son se pèrd en còpte, mes afècta (e sovent allonga) las vocalas vesinas. Lo piocòt de catla 𓅱 G43 <w> èra [w], un son que se perdèt en cèrtas posicions, mes que subrevisquèt sovent coma <ⲟⲩ> còpte. Lo pè 𓃀 D58 <b> èra [b] avant d’evoluïr en [v] o [ʋ], lo <ⲃ> còpte. Conservèt un allofòn finau [b]. Lo sòcle 𓊪 Q3 <p> èra aspirat [pʰ]. En còpte, correspón generalament a <ⲡ>, mes tanben a <ⲫ> bohairic tonic. La vipèra cornaluda 𓆑 I9 <f> [f] = <ϥ> còpta. La cavèca 𓅓 G17 <m> [m] = <ⲙ> còpta. Las ondadas 𓈖 N35 <n> [n] = <ⲛ> còpta. La boca 𓂋 D21 <r> [r] = <ⲣ> còpta. Vadut muda en fin de sillaba. La casa 𓉔 O4 <h> [h] = <ϩ> còpta. La meca de lampa 𓎛 V28 <ḥ> [ħ] = <ϩ> còpta. En còpte las duas prononciacions coexistaron per <ϩ>, coma o mostran las transcripcions aràbias. La placenta 𓐍 AA1 <ḫ> èra probablament [x] en egipcian ancian, e se palatalizèt en [ç]. En còpte, correspón normalament a <ϣ>. Lo ventre d’un mamifèr 𓄡 F32 <ẖ> èra inicialament distincta de [x], possiblament labializada [xʷ], mes eventualament vadut [x]. En còpte, correspón a <ϩ> en generau, mes <ϧ> en bohairic. Lo barrolh 𓊃 O34 <z> èra [s] en egipcian mejan, mes sa pronóncia mei anciana es incertana, benlèu [ts]. En còpte es <ⲥ>. Lo teishut plegat 𓋴 S29 <s> [s] = <ⲥ> còpta. Lo lac o hlaca 𓈙 N37 <š> [ʃ] = <ϣ> còpta. Lo puèg 𓈎 N29 <q> èra probablament labializat [kʷ] a l’origina, puei [k]. En còpte correspón normalament a <ⲕ>. Lo balhòt 𓎡 V31 <k> èra aspirat [kʰ]. En egipcian tardiu, es sovent estat palatalizat en [cʰ]. Quand non èra palatalizat, correspón a <ⲕ> còpta, mes tanben <ⲭ> bohairica tonica. Quand o èra, correspón en sahidic a <ϭ>, en bohairic a <ϫ> atòna e <ϭ> tonica. Lo pòrtapegarra 𓎼 W11 <g> èra probablament [k] a l’origina, mes vadut quasi totjorn [c] en egipcian tardiu. En còpte, correspón a <ϭ> sahidica e <ϫ> bohairica. Lo pan 𓏏 X1 <t> èra aspirat [tʰ]. En còpte correspón a <ⲧ>, <ⲑ> tonic en bohairic. Vadut mut en fin de sillaba. L’estaca 𓍿 V013 <ṯ> èra aspirada [tʃʰ]. En còpte correspón normalament a <ϫ>, <ϭ> tonica en bohairic. Sovent se con·hón dab <t> e evoluís coma era. La man 𓂧 D46 <d> èra [t]. Correspòn a <ⲧ> en còpte. La còbra 𓆓 I10 <ḏ> èra [tʃ]. En còpte correspón normalament a <ϫ>, mes sovent se con·hón dab <d>.Peust, C. (1999). Egyptian phonology: an introduction to the phonology of a dead language (Vol. 2). Peust und Gutschmidt.
ISO 690
Articles tanhents
Ieroglifs egipcians Gramatica ieroglifica Signes ieroglifics bilitaris Signes ieroglifics trilitaris Ieroglif determinatiu Lexic ieroglific
Categoria:Indèx egiptologic