Vauverd (en francés e oficialament: Vauvert) es una comuna occitana de Lengadòc. Situada dins lo departament de Gard e la region d', ancianament de Lengadòc-Rosselhon, comptava 11.772 abitants en 2022.
Geografia La vila es situada a 20km de Nimes e 35 km de Montpelhièr, entre la Pichòta Camarga e la Costiera de Nimes. Lei comunas limitròfas son: Aigas Mòrtas, Bèuvesin, Lo Cailar, Lei Santei Marias de la Mar, Sant Geli, Sent Laurenç de Gosa e Vestric e Candiac Toponimia Las atestacions ancianas son, per luòc: Vauverd - Poscheriæ en 1151; Vallis-Viridis en 1308; Posqueriæ en 1384; Vallis-Viridis en 1384; Ecclesia de Posqueriis en 1386; Vauvert en 1435; Locus de Posqueriis, alias de Valle-Viridi en 1462; Vallis-Viridis en 1528; Nostre-Dame de Valvert ; Vauvert en 1555; Vauvert, viguerie d'Eymargues en 1582.
Anglars (fr Anglas) - Angulares en 1123; Agglas en 1125; Anglars en 1146; Anglarium en 1517; Mas-d'Anglas en 1726https://dicotopo.cths.fr/places/P01398523
Nòstra Dama d'Anglars (nom probable; fr Notre-Dame-d'Anglas ) - Beata-Maria de Anglata en 1102https://dicotopo.cths.fr/places/P53156415
Sent Beneset d'Anglars (nom probable; fr Saint-Benoît-d'Anglas ) - Sanctus-Benedictus de Anglars en 1102; Duas ecclesias de Anglars en 1149https://dicotopo.cths.fr/places/P73184279
La Torre d'Anglars (nom probable; fr La Tour d'Anglas) - Tour d'Anglas (La) en 1726https://dicotopo.cths.fr/places/P11335403
Istòria
Sonada PosquieraFrederic Mistral Lou Tresor dóu Felibrige 7 (P-Rel) Pagina 178: Pousquiero a l'Edat Mejana, la ciutat conoissèt un grand renom. La ciutat e son castèl èran bastits subre lo puòg dich uòi lo Castelàs. Lo site èra ja ocupat a l'Antiquitat e de vestigis d'una villa romana i foguèron descubèrts. Leis originas dau fèu de Posquiera se situan benlèu ai sègles VI o VII. Lo premier document escrich fisable que menciona l'existéncia de Rostanh , senhor de Posquièra, data de 1066. A Posquièra viviá una comunitat jusieva relativament importanta. Lei jusieus s'installèron progressivament vèrs lo sègle VIII e sa populacion creissèt en 1140 amb l'exili dei jusieus andalós fugissent lei secutaments almoads. En 1165, lo viatjaire jusieu Benjamin de Tudèla estimava aquesta populacion a 40 familhas, çò que pòt representar aperaquí 200 a 250 abitants. Au sègle XIII, la comunitat poguèt comptar entrò 400 abitants, siá una estimacion d’un terç de la populacion dau vilatge. A Posquiera, lei jusieus vivián dins lo quartièr situat subre lei pendís sud e sud-èst de la còla, en defòra dei muralhas dau castèl. Plusors noms de carrièras atestan d'aquela preséncia de la comunitat jusieva a Posquièra vengut Vauverd: la carrièira dei jusieus, la carrièira dei Bonets carrats. Un tròç d'un dei pilars de la sinagòga foguèt trobat dins la cor de l'ostau ont se trobava l'edifici religiós. Lei jusieus foguèron caçats en 1306 per Felip lo Bèl e migrèron vèrs Tarascon, puèi vèrs lo Comtat Venaicin (Avinhon) qu'èra una tèrra papala « A la recherche du cimetière juif du Moyen Ȃge », vauvert-plus.com. Rabad de Posquiera e son filh Isaac lo Cèc desvolopèron dins son acadèmia rabinica sei conoissenças e comentaris subre la cabala jusieva.
Administracion
Demografia
Personalitats ligadas amb la comuna Abraam ben David de Posquiera, (Rabad de Posquiera) (1120-1197), rabin e filosòf dau sègle XII. Loís Josep de Montcalm, que lo castèt natal se trapa a la dintada de la vila dins la comuna vesina de Vestric e Candiac. Moriguèt en 1759 durant lo sètge de la vila de Quebèc Jacme Meisonet, escrivan occitan (1792-1859) Prospèr Falgairòla, archivista e erudit occitan (1847-1926) Jean Denat, conse, president del Conselh general de Gard (2014-2015)
Referéncias
Categoria:Comuna de Lengadòc Categoria:Comuna de Gard