Lo tèrme de sarcopterigians (del grèc, sarx, carnut e pteryx, nadarèla, ala) designa la classa dels peisses ossoses comprenent los celacants e los dipneustes (peisses de palmons). Los sarcopterigians presentan los primièrs elements anatomics marcant l'evolucion vèrs los tetrapòdes.
Classificacion En classificacion filogenetica, lo clad Sarcopterygii compren en otra la sosclassa dels tetrapòdes.
Sinapomorfias del grop Nadarèlas lobadas e articulacion monobasala. Cada lòbe es sostengut per una esqueleta intèrna d'òsses que s'articulan entre eles puèi amb una cintura pectorala o pelviana robusta. Junt intracranial : fissura devesissent lo cran en doas mitats, anteriora e posteriora. Muscles podent mòure los rais ossoses de la nadarèla independentament los uns dels autres. esmalt vertadièr sus las dents. Cinquen e darrièr arc branquial s'estacant ventralament sus l'abans-darrièr.
Òrdres classa Sarcopterygii sosclassa Coelacanthimorpha (Celacant) òrdre Coelacanthiformes (Celacant) sosclassa Dipnoi (Dipneustes) superòrdre Ceratodontimorpha (Dipneuste) òrdre Ceratodontiformes (Dipneuste d'Austràlia) òrdre Lepidosireniformes (Dipneuste Sud American)
Istòria evolutiva del grop Lo grop ereta dels peisses superiors una maissa articulada (maxillara), e las dents se cobrisson d'esmalt. Las nadarèlas paras evoluisson vèrs una forma de membre: l'estaca basala se redutz a un sol element (femur, omoplata e umèrus), e de muscles permetent l'articulacion independenta dels rains (dets). Lo palmon (vessia natatòria / sac d'aire) deven foncional e provesit d'alveòlas. La darrièra evolucion del tipe es la naissença del còl: l'estaca del membre anterior (cintura escapulara) se destaca del cap, e las primièras vertèbras cervicalas s'especializan per permetre una articulacion del còl.
Plaça del grop dins lo règne animal
Ligams extèrnes
Categoria:Tetrapòde