Alés e Casanuèva (Allez-et-Cazeneuve en francés) es una comuna agenesa, situada dins lo departament d'Òut e Garona e la region de Novèla Aquitània, ancianament d'Aquitània.
Geografia
La comuna se despartís entre las ribièras (Òut, Autonne, en francés) e los puègs. Alés, una glèisa sense aglomeracion, es dins la ribièra d'Òut, sus la RD 446, al sud de la RD 911, Casanuèva es dins la ribièra dAutonne. Encara mai al sud, lo castèl de Tombaboc es sul bòrn d'un puèg. L'ostal de comuna es a 600 m al sud de la glèisa d'Alés, en direccion de Casanuèva, dins una pichona aglomeracion. vignette|upright=1.8|centre|Comunas a l'entorn.
Perimètre del territòri
Toponimia Alés Las fòrmas ancianas son ecclesia d'Ales, en 1124, parrochia de Les, en 1271, Beate Marie Dales, en 1520, ecclesia beate Marie d'Alas, en 1577. La prononciacion es [a'lez (e,kazɔ'nɛβɔ)] Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 45. Dauzat explica lo nom per un masculin gallés *alisa, « bauç » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 8, a Alaise e Negre, citat per Bénédicte Boyrie-Fénié, imagina un oronime celtic ail, impossible foneticament; la proposicion de Dauzat pausa un autre problèma fonetic : -a finala se seriá conservada. B. Boyrie-Fénié i vei una « basa oronimica... perfèctament identificada », *al- e lo sufixe latin -ense(m) que demandariá, segon ela, una motivacion. Lo nom seriá identic a La Mota d'Alas , mès las fòrmas pus ancianas son pas en -as. Delamarre explica puslèu Alés per lo gallés *alision, « la ròca », de la meteissa familha e del meteis sens qu'''alisia (que Juli Cesar latinizèt en Alesia) Xavier Delamarre, Noms de lieux celtiques de l'Europe ancienne, ed. Errance, 2012, p. 46 e 322. Lo nom, aqueste còp sense dificultats d'evolucion fonetica, pòt convenir per la glèisa, situada en un luèc planièr, mès a la basa del travèrs, e encara mai pel borg, situat pus naut.
Casanuèva Las fòrmas ancianas son ecclesia de Cazanova qui est prope castrum de Pujols, en latin, en 1235, parrochia de Casanova, en latin, en 1271, de Cazanova, en latin, en 1520. La prononciacion es [,kazɔ'nɛβɔ]. Lo sens de Casanuèva es « ostal nuèu ». Las latinizacions escondon la diftongason de ò en uè e la reduccion del diftongue en è. La grafia consèrva uè .
Istòria Abans la revolucion, lo castèl èra a Tombaboc, la parròquia de Sent Pèire dels Ligams a Casanòva (evolucion fonetica locala en Casanuèva) e una annèxa (Nòstra Dama de la Nativitat) a Les (evolucion fonetica locala en Alés).Canonge Durengues, "Cazeneuve et son annexe Allez", Notes d’histoire ecclésiastique. En linha sul sit dels archius departamentals d'Òlt e Garona.
A la revolucion, la comuna de Tombaboc es creada a l'entorn del castèl. Los actes d'estat civil existisson sonque entrò l'an IV (1795-1796). Dins lo bulletin de las leis de 1801, es escricha Tombebone,https://gallica.bnf.fr/ark:/12148/bpt6k6566479p/f355.item mas lo nom foguèt pas jamai emplegat localament (lo toponim afrancesat es Tombebouc o Tombebout).
La o las seccions d’Alés e Casanuèva' son incorporadas a Senta Liurada. La comuna apareis coma Alés o Alés e Casanuèva, o quitament Casanuèva e Alés. Lo nom s’estabiliza a comptar de l'an VI (1797-1798) dins los actes de l’estat civil. Pasmens quitament en l'an X lo registre pòrta en alternància Alés e Casanuèva o Casanuèva e Alés."Allez-et-Cazeneuve NMD An II-An X 4-E-6-4", Registres paroissiaux et d'état-civil. En linha sul sit dels archius departamentals d'Òlt e Garona.
Administracion
Abans la refòrma cantonala de 2014, aplicada en 2015, la comuna èra del canton de Senta Liurada; es adara del canton del Liuradés.
Demografia
en 1793, la municipalitat èra Tombebout, Ales, Cazeneuve et Sainte Colombe'', donc Tombaboc, Alés, Casanuèva e Senta Colomba de Vilanuèva. La populacion èra de 1475 abitants http://cassini.ehess.fr/cassini/fr/html/fiche.php?select_resultat=37724. En la populacion èra de abitants e la densitat èra de ab/km².
Luècs e monuments
Personalitats ligadas ambe la comuna
Veire tanben Comunas d'Òut e Garona Ligams extèrnes
Nòtas
Categoria:Comuna d'Agenés Categoria:Comuna de Guiana Categoria:Comuna d'Òlt e Garona