Molinet (Moulinet en francés) es una comuna agenesa situada dins lo departament d'Òut e Garona e la region de Novèla Aquitània, ancianament d'Aquitània.

Geografia Lo borg es a Las Bardas; la plancarta pòrta Moulinet e un còp èra Las Bardes Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 193.

Perimètre del territòri

Toponimia Molinet es lo nom d'un castèl. Coma la comuna es formada de doás ancianas parròquias, Las Bardas (annèxa de Montbaús) e Lentinhac, lo nom d'aquel castèl situat al mièg permetiá d'avantatjar pas de comunautat. Lo sens del nom es « molin pichon ». La prononciacion es [muli'ne] . Çò pus sovent, molinet designa un molin d'aiga Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 193 e un molin èra estacat al castèl; n'i a encara un sul Tolzat, lo molin de Laboual . Las Bardas. La prononciacion es [lɛj'bardɔ]. Las fòrmas ancianas son parrochia de Monbaus cum sua annexa de Las Bardas, en 1500, de Montbaus et de Las Bardas, en 1520. Lo mot bard a lo sens de « fanga, lòsa, lima » mas tanben de « tèrra argila preparada dins la bardièra per tal de far de teules ». La fòrma femenina es pas tan coneissuda : luècs umides e argilós près del vilatge ? luèc ont se podiá trobar de tèrra bona per far de teules o de bricas (o teulas) ? . Cf. La Barda en Gironda, près d'una sanha. Lo vilatge tresplomba una comba al sud-oèst e una combeta al nòrd-èst. Lo nom de Lentinhac es atestat en 1512, en latin : parrochia Beate Marie Magdalene de Lentilhaco cum sua annexa Sancti Gervasi . Los dos noms de Lentilhac e de Lentinhac son possibles. La fòrma de 1512 e una mapa del sègle XVII https://web.archive.org/web/20181031215103/https://gallica.bnf.fr/ark:/12148/btv1b77101733/f1.item.zoom semblan annonciar lo primièr, lo nom sus las mapas modèrnas lo segond. Los dos son provesits a l'origina del sufixe celtic -ācon e son de noms de grandas proprietats anticas, mas lo radical del primièr es lo nom latin d'òme Lentilius Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 386, a Lantillac, al luèc que lo del segond es Lentinius Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 386, a Lantignié.

Istòria Las Bardas èra parròquia annèxa de Montbaús e Lentinhac èra una parròquia de plen exercici avant la Revolucion . Senta Maria Magdalena èra patrona, çò sembla, mas adara Sent Ferriòl es lo novèl patron; la vòta es (èra ?) lo jorn de la fèsta de la Magdelena çaquelà. La glèisa de l'annèxa de Lentinhac, Sent Gervasi (nom supausat) èra dejà en roïnas a la fin del sègle XVIII, segon Durengues https://archive.org/stream/pouillhistoriq00dure#page/454/mode/2up.

Administracion

Abans la refòrma cantonala de 2014, aplicada en 2015, la comuna èra del canton de Cancor; es ara del canton del Naut Agenés Perigòrd.

Demografia

En la populacion èra de abitants e la densitat èra de ab/km².

Luècs e monuments

Personalitats ligadas emb la comuna

Veire tanben Comunas d'Òut e Garona Ligams extèrnes

Nòtas

Categoria:Comuna d'Agenés Categoria:Comuna de Guiana Categoria:Comuna d'Òlt e Garona