Harold Clayton Urey (n. 29 d'abril de 1893 a Walkerton e m. 5 de genièr de 1981) foguèt un quimista american. Recebèt lo Prèmi Nobel de Quimia en 1934, per sa descobèrta del deutèri.
Biografia Nasquèt lo 29 d'abril de 1893 a Walkerton, dins l'estat nòrd-american d'Indiana. Après un còrt periòde d'aprendissatge obtenguèt en 1917 una licéncia en zoologia a l'Universitat de Montana, e dintrèt puèi a la companhiá quimica Barrett de Filadèlfia. Durant la Primièra Guèrra Mondiala se consacrèt a la recerca, en contunhant après sos estudis a l'Universitat de Califòrnia, ont foguèt diplomat en quimia en 1923. Entre 1923 e 1924 estudièt la fisica atomica amb Niels Bohr a l'Universitat de Copenaga, ont se concentrèt sus l'estructura de l'atòm a l'Institut per la Fisica Teorica de Copenaga.
Entre 1919 e 1924 foguèt professor de quimia a l'Universitat de Montana, entre 1924 e 1929 a l'Universitat John Hopkins, entre 1934 e 1945 a l'Universitat de Columbia, e entre 1945 e 1957 a l'Universitat d'Oxford. En 1958 foguèt nomenat professor de l'Universitat de Califòrnia, a San Diego.
Moriguèt lo 5 de genièr de 1981 dins la vila de La Jolla, dins l'estat de Califòrnia.
Categoria:Quimista american Categoria:Laureat del Prèmi Nobel de Quimia Categoria:Naissença en Indiana Categoria:Naissença en 1893 Categoria:Decès en 1981 Categoria:Prèmi Nobel american