Senconac (Senconac en francés) es una comuna foissenca situada dins lo departament d'Arièja e la region d', ancianament de Miègjorn-Pirenèus.
Geografia
Perimètre del territòri
Toponimia Las fòrmas ancianas son : villam Succunacum, en 1074, en latin, Senconaco, en 1272, en latin, Sanconac (Cronica d'Esquerrier, al sègle XV), Sancounac (mapa de Cassini); se tròba sovent escrit en francés Saint-Connac o Saint-Conac als sègles XVII, XVIII e XIX https://web.archive.org/web/20160822092253/http://www.histariege.com/senconac.htm. Ni Dauzat nimai los Féniés dison pas res de Senconac. Lo sufixe -ac, del sufixe celtic -*aco- fa pensar a una proprietat antica, mès lo nom del mèstre es de mal definir, benlèu prèp del nom qu'es a l'origina de Cencenac, que poiriá èsser format a partir de *Cincinnus, nom ipotetic de persona que correspond a cincinnus « retortilh, anèla de pels » Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 394; solament Senconac a un -c- dur, çò qu'es impossible ambe *Cincennus, sense crosament ambe un autre mot. Fa que val mai partir de la fòrma pus anciana, la de 1074. Se pòt pensar a un derivat del mot gallés succos, « pòrc » (un dels noms d'aquel animal en gallés, que donava plan de noms de persona), per exemple associat al mot -uanos, « tuaire de - » Xavier Delamarre, Dictionnaire de la Langue gauloise, ed. Errance, 2na edicion, 2003, p. 284 e 305. Demorariá a explicar lo passatge de *Soconac (inferit de (villam) Succunacum) a Senconac : l'atraccion de sent, aprèp una estapa per *Seconac, resultat d'una dissimilacion ?
Istòria Senconac aviá pas de glèisa. Los abitants anavan, segon la tradicion orala, a la glèisa, ara dispareguda o çò pus mens arroïnada, d'Arniguel (comuna de Verdun). La glèisa actuala es del sègle XIX Jacques Guérola, « Senconac » http://archive.wikiwix.com/cache/?url=http%3A%2F%2Fwww.histariege.com%2Fsenconac.htm.
Administracion
Abans la refòrma cantonala de 2014, aplicada en 2015, la comuna èra del canton de Las Cabanas; es ara del canton de Haute-Ariège (en francés), donc de Nauta Arièja.
Demografia
2016 : 12
Lòcs e monuments
Personalitats ligadas amb la comuna
Véser tanben
Ligams extèrnes
Nòtas
Categoria:Comuna del Comtat de Fois Categoria:Comuna d'Arièja