Lo Centre-Val de Léger (var. Centre-Vau de Léger, Centre-Vath de Léger; en francés: Centre-Val de Loire), que s'apelava simplament Centre (en francés: Centre), es una region administrativa e collectivitat territoriala del centre-oèst de França. Se compausa sièis departaments: Char, Endre, Endre e Léger, Loir e Char, Loiret. L'INSEE li atribuís lo còdi 24. La prefectura n'es Orleans, e la ciutat mai granda es Tors en Torena.
La franja extrèm-sud de la region (partida meridionala dels departaments de Char e d'Endre) es occitanofòna. A despart d'aquela zòna, la rèsta es d'expression francesa.
Istòria La region del Centre es creada coma circonscripcion d'accion regionala lo 2 de junh de 1960. Venguèt un establiment public regional lo 5 de julhet de 1972. La lei Deferre (lei n°82-213 del 2 de març de 1982) ne faguèt una collectivitat territoriala de l'executiu elegit e partatja las competéncias entre l'Estat e las regions. Venguèt una collectivitat territòriala après las eleccions del 16 de març de 1986. Lo 17 de genièr de 2015, data de publicacion al Jornal Oficial de la lei n°2015-29 del 16 de genièr de 2015, es renomada «Centre-Val de Léger» (en francés: Centre-Val de LoireArticle 2, paragraf V de la "Lei n°2015-29 dau 16 de genièr de 2015 relativa a la delimitacion de las regions, a las eleccions regionalas e departamentalas e modificant lo calendièr electorau", Journal Officiel de la République Française, 17 de genièr de 2015).
Referéncias
*