Dordonha es una aiga d'Occitània, dins lo Massís Central e lo Bacin Aquitan. Nais en Auvèrnhe, passa en Lemosin, en Carcin, en Peiregòrd e se geta dins l'estuari de Gironda.
La val de Dordonha es classada País d'Art e d'Istòria.
Ribièra o flume ?
Dordonha se jonh a Garona per formar l'estuari de Gironda. Per aquò, es qualificada de ribièra dins mai d'un diccionari e mai d'una enciclopedia, tanben per lo Service d'Administration Nationale des Données et Référentiels sur l'Eau (SANDRE). Pasmens, de mai en mai d'organismes regionals, per exemple lo Comitat de Bacin Ador-Garona o bentot l'Etabliment public territorial del bacin de Dordonha (EPIDOR) la qualifican de flume, que consideran que Gironda es un estuari comun a Garona e Dordonha. Se la causida impòrta gaire per l'apelacion del riu, implica tot parièr una ierarquizacion diferenta del o dels bacins aigapendents. Mas en considerant coma ribièras/rius los pichons cors d'aiga, e coma flumes los pus importants, Dordonha es de segur un flume, e n'es aital per una bona partida de sos afluents.
Etimologia
A l'encontrari de çò que se ditz o legís de còps, lo nom de Dordonha a pas per origina l'assemblatge dels rius nomenats Dòr e Donha, mas son lo dos recs o torrents qu'an la font au Puèi de la Crotz (Dòr d'altitud, e Donha a ) que se rejonhon a d'altitud per donar naissença a DordonhaCarte IGN 2432 ET al 1/25 000.
Son nom latin era Durānius, citat per Sidòni Apollinar, e veniá de la rasiga preceltica dur- (coma Durença, Drona,...). Pro lèu, lo nom subissèt una dobla sufixacion en -onna (aquel sufixe se tòrna trobar dins Garona, Drona, Lisona...), que donèt dur-on-onia. Trobam aital Dorononia fluvius (Gregòri de Tors, sègle VI), Dornonia (sègle VIII), per acabar per l'occitan Dordonha.
Geografia thumb|right|Cascada de Dòr.
Dordonha nais sus las pendas del Puèi de Sant Circ (1 885 m, Puèi de Doma), de l'union de dos torrents : la Dòr e la Donha.
S'acaba dins l'estuari de Gironda al bèc d'Ambés (Gironda), estuari comun amb Garona.
Idrografia
Son debit de 400 m/s al bocal pòt venir 5500 m/s en temps de creguda. Dordonha es de navegar mas a l'aval de Liborna.
Percors Departaments e localitats asaigadas :
Puèi de Doma (63) : Lo Mont Dòr (font), La Borbola, Sent Sauve d'Auvèrnhe, Avesa, Cinglas, La Ròda, La Beceta Corresa (19) : Bòrt, Spontor, Argentat, Bel Luec Òlt (46) : Martèl, Solhac Dordonha (24) : Doma, Bainac e Casenac, Lo Boisson de Cadonh, La Linda, Brageirac Gironda (33) : Senta Fe la Granda, Castilhon, Liborna
Afluents principals richt|thumbnail|280 px|Dordonha en Perigòrd D'amont en aval:
(D) Rua (D) Dièja (D) Lusèja (E) Sumèna (E) Ausa (D) Dostre (E) Marona (E) Sera (D) Sordoira (E) Oissa (E) Ceu (D) Vesera (D) Eila (E) Aurença
N.B. : (D) = afluent riba drecha ; (E) = afluent riba esquèrra
Activitats toristicas
Canoè-caiac Rafting Idrospid Pesca esportiva o de solaç Banhada Vela Aviron Motonautisme e esquí nautic Navegacion fluviala de plasença a bòrd de Gabara left|thumbnail|280 px|Dordonha en Brageirac
right|thumbnail|280 px|Dordonha vista de Doma, en Senac e Sent Julian
Categoria:aiga d'Occitània Categoria:Bacin de Dordonha Categoria:Aiga dau Puèi de Doma Categoria:aiga de Corresa Categoria:aiga d'Òlt Categoria:aiga de Dordonha Categoria:aiga de Gironda Categoria:aiga navigable