Nadau o, deu son purmèr nom, Los de Nadau, qu'ei un grop Bearnés de musica hèra famós fondat en 1973 qui a produsit nau àlbums (dont quate disques compactes) e jogat dus còps a l'Olympia a París. La soa cançon L'immortèla qu'ei la mei famosa de las soas e qu'ei cantada en mantuas aucasion en Bearn. A travèrs deus ans, Nadau qu'a jogat un ròtle màger dens los combats tà sostiéner la lenga occitana en Bearn, per las soas escòlas calandretas e peu bearnés a la ràdio.
Istòria Lo grope neish a la fin de 1973 a Tarba de la rencontra de Miquèu Maffrand, Jacme Roth e Ninon Paloumet. Miquèu Maffrand, professor de matematicas, se bota a d'apréner l'occitan damb Gilabèrt Narioo.
La novèra cançon occitana existís dejà, damb Martí, Patric, Delbeau, Verdièr. Après 1968, epòca de l'eslogan Volem viure al país, fòrt de junes se reviran decap a lurs rigadas. Las salas son plenhas. Lo prumèir disque sòrt a l'estiu de 1975. Son titre : Mossur lo regent. Son cançons revendicativas mès tanben cançons d'amor. Los de Nadau acompanha las lutas viticolas e obrèiras, quò's l'epòca de la cançon engatjada. Sòrten La venta a las enchèras en 1976 apui L'immortèla en 1978... L'immortèla, vinguda l'imne deus Biarnés.
En 1980 neish a Pau la prumèira Calandreta. Serà totjorn sostinguda per Nadau dens son combat per la lenga occitana. Lo grope s'implica tanben dens las prumèiras radiòs libras.
Lo 20 de mai 2000, granda data : Nadau hèi sala combla a l'Olympia de París. Rebelòta lo 7 de mai 2005.
Nadau hèi pus o mens quaranta concèrts per an.
Los membres Miquèu MAFFRAND : cant, acordeon diatonic, boha. Ninon MAFFRAND : cant, clavèirs. Sèrgi CABOS : cant, guitarra electrica/acostica, baisha. Jan-Pèir MEDOU : cant, guitarra electrica/acostica, baisha. Fabrice MANCONI : bateria. Cédric PRIVÉ : vialon. Michaël TEMPETTE : boha, bodega, pifre. Olivier ROBERT : regissaire son. Stephane LABORDE : tecnician. Alain GREGORY : regissaire lutz. Christophe PALAY : tecnician.
Discografia 1975 : Monsur lo regent 1976 : La venta a las enchèras (o Loteria) 1978 : L'immortèla 1982 : T'on vas 1986 : Qu'èm ço qui èm 1991 : De cuu au vent 1994 : Pengabelòt 1995 : S'aví sabut (compilacion) 1996 : Nadau en companhia (concèrt en viu au Zenit de Pau) 1999 : Plumalhon 2003 : Saumon 2005 : Nadau a l'Olympia (concèrt en viu) 2006 : Carnet de chansons 2007 : Maria 2010 : Olympia 2010 (concèrt en viu) 2013 : L'Encantada 2017 : Zenith de Pau 2017 (concèrt en viu) 2026 : Nadau, 50 ans (concèrt en viu)
Videografia 1993 : Nadau en companhia 1996 : Nadau en companhia 2000 : Nadau a l'Olympia 2002 : Nadau en companhia 2005 : Nadau a l'Olympia
Ligam extèrne Siti oficiau deu grop
Categoria:Personalitat bearnesa Categoria:Grop de musica occitan Categoria:Grop de musica gascon Categoria:Cantaire occitan Categoria:grops e cantaires d'Occitània Categoria:Grop de musica dels ans 1970 Categoria:Grop de musica dels ans 1980 Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020 Categoria:Grop de musica francés Categoria:Musica folclorica Categoria:Musica folk