Sausselenjas (Sauxillanges en francés) es una comuna occitana dau departament dau Puèi de Doma e la region d'Auvèrnha-Ròse-Aups.
Los abitants son los Sausselenjons e las Sausselenjonas o los Sausselenjaires e las Sausselenjairas. Son sobrenommats Los Foitachins.
Geografia Vialatges e luòcs dits
Bòrd [bɔr] (fr. Bord). La Bòria [la ˈbœrjɒ] (fr. La Borie). Champataud [tsãpaˈto] (fr. Champataud/Champateaux). Los Champs Roges [ly tsã rudz] (fr. Les Champs Rouges). La Chassanha [la tsaˈsaɲɒ] (fr. La Chassagne). Las Chassanhas [la tsaˈsaɲa] (fr. Les Chassagnes). Chastèl Galhard [tsaˈte gaˈjar] (fr. Château Gaillard). Chastèl de la Marina [tsaˈte də la maˈrinɒ] (fr. Château de la Marine). Chouvet [tsuˈve] (fr. Chouvet). La Coirariá [la kwejraˈjo] o [la kwejraˈja] (fr. La Coierie). Le Colombèir [lə kulɔ̃ˈbɪj] (fr. Le Colombier). Los Cròs [ly krʏ] (fr. Les Creux). La Crotz Sent Jaque [la kru sɛ̃ dzak] (fr. La Croix Saint-Jacques). La Fontenilha [la fɔ̃tˈnijɒ] (fr. Fontenille). La Garda [la ˈgardɒ] (fr. La Garde). La Gardesèia [la garˈdzijɒ] (fr. La Gardezy). Janlet [dzãˈle] (fr. Jeanlet). Laque [lak] (fr. Lacot). La Limàndia [la liˈmãdʒɒ] (fr. La Limandie). Le Martinet [lə martʃiˈne] (fr. Le Martinet). Mauvís [moˈvji] (fr. Mauvy/Mauvis). La Memòndia [la meˈmɔ̃dʒɒ] (fr. La Memondie). Montbeneit [mɔ̃bəˈnɪj] (fr. Montbenoît). Le Montelh [lə mɔ̃ˈtɪj] (fr. Le Montel). Motés [muˈte] (fr. Mouteix). Moton [muˈtu] (fr. Mouton). L'Olèira [yˈlɪjrɒ] (fr. Les Ollières). Le Petit Bòsc [lə ptʃi by] (fr. Le Petit Bois). La Prada [la ˈpradɒ] (fr. La Prade). Los Puèis [ly pɪj] (fr. Lospeux, Lospous/Louxpeux en 1656). Randan [rãd] (fr. Randan). La Revelha [la rəˈvəʎɒ] (fr. La Réveille). Ribolet [ribuˈle] (fr. Riboulet). Las Rochetas [la ruˈtsəta] (fr. Les Rochettes). Los Ruchets [ly ryˈtse] (fr. Les Ruchers/Ruchets). Le Salh [lə saj] (fr. Le Say). Saque [sak] (fr. Sacot). Solelhant [sulˈjã] (fr. Soleilhant). Le Telh [lə tɪj] (fr. Le Theil). La Treulèira [la tryˈlɪjrɒ] (fr. La Tuilerie). Ventre [ˈvɛ̃trə] o [ˈvɛ̃tʀə] (fr. Ventre). Las Versanas [la varˈsəna] o [laː vɒʀˈsɒnaː]Albèrt Dauzat, Glossaire étymologique du patois de Vinzelles, Montpelhièr, Société des langues romanes, 1915, p. 445. (fr. Les Versannes).
Toponimia Per luòcs :
Sausselenjas : las atestacions ancianas son Celsinanicas (927), Celsiniarum (1373, 1467) e Celciniarum (1392). Vendriá d'un nom latin d'òme, *Celsinus, varianta de Celsinius, embei le sufixe -anicaAlbèrt Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 646, a Saussenac.. Sausselenjas èra donca probablament una anciana granda proprietat antica qu'aviá coma maistre Celsinus. Popularament, le monde apèlan la comuna La Viala, segurament per ce qu'èra le chapluòc de canton. En grafia bonaudiana, trobèm las formas Seusilanjehttps://archive.org/details/grammaire-bonnaud/page/211/mode/1up?view=theater&mibextid=xfxF2i&q=volaille, Seusilanja, SeussulanjaPiare Bonaud, Nouveau Dictionnaire Général Français-Auvergnat, Sant Estève, Edicions Créer, 1999, p. 645., Seusilenja e SeussulenjaKarl-Heinz Reichel, Dictionnaire général Auvergnat-Français, Créer, Sabadell, 2005, p. 758.. Pasmens, quelas formas representan pas v-una de las formas oralas collectadas. Dins le parlar dau vialatge de las Versanas e vèrs v-Olèiras, la comuna se ditz [sysˈlɛ̃dza], vèrs Sent Quentin [sœsˈlɛ̃dza] o [la ˈjalɒ], vèrs le Vernet [sisyˈlɛ̃dza], vèrs Bòrsa [sœsˈlɛ̃dzᵊ], vèrs Faiet le Chastèl [sysˈlɛ̃dzɛ]Collectatges IEO 63., vèrs Soire [sœsəˈʎãdzɛ]Delanef, A (Françounet). Sur le Pont Vieux. Le Moniteur d'Issoire (26/04/1905). "Seusseliandzès". e vèrs Bançac [syːsʉˈlɛ̃dzaː] o [lɒ ˈvjalɒ]Albèrt Dauzat, Glossaire étymologique du patois de Vinzelles, Montpelhièr, Société des langues romanes, 1915, p. 441.Albèrt Dauzat, Glossaire étymologique du patois de Vinzelles, Montpelhièr, Société des langues romanes, 1915, p. 446.. La Coirariá : La Coiraria entre los sègles X e XIIHenri Doniol, Cartulaire de Sauxillanges, Clarmont-Ferrand, F. Thibaud, 1864, p. 634.. Le Salh : atestat illo Sallo ca 946, Lo Sal pauc davant 1060-1073 e Vetus Sal (sègle XI). Ven segurament d'un deverbau *saliu dau latin salire. Quel toponime signifia la presença d'una fònt abondanta pròchaJoan Pèire Chambon, Notes de toponymie auvergnate (II), Nouvelle revue d'onomastique, 2012, p. 82..
Istòria Sausselenjas es situada dins una valada, au pè de la buta de v'Içon.
Administracion
Davant la refòrma cantonala de 2014, aplicada en 2015, la comuna èra chapluòc de canton ; es avora dau canton de Braçac.
Demografia
Luòcs e monuments
Personalitats liadas a la comuna
Veire tanben
Liams extèrnes
Nòtas e referéncias Nòtas
Referéncias
Categoria:Comuna d'Auvèrnhe (Occitània) Categoria:Comuna dau Puèi de Doma