Meranges es un municipi de la Comunautat Autonòma de la Generalitat de Catalonha, de la província catalana de Girona e de la comarca de Bassa Cerdanha.
Toponimia La prononciacion es [mə'raɲʒəs]. Las fòrmas ancianas son Meranicos en 839, pogium Meranigas en 983, Meranicis en 1040, Meranges en 1080-85, etc. Es un derivat en -anicos del nom latin de persona Marius. La diferéncia ambe Menargues es un afar de genre : Menargues ven de (villas) Marianicas, sense pèrda de -c- > -g-. En catalan, medicu > metge, monicu > monge > monjo, a comparar ambe manica > mànega o màniga, carrica > càrrega, al plural mànegues o mànigues, càrregues Joan Coromines, etc, Onomasticon Cataloniæ, vol. V, p. 255-256 https://oncat.iec.cat/veuredoc.asp?id=26080. Girul Dins l'Acte de Consecracion de la Seu d'Urgell, es citat Geruli, Gerul dins lo Capbreu e la copia del sègle XII. En 1184, avèm homines de villa Meranges et de Ierul (Meranges es a costat de Girul). Sembla considerat coma « la val vièlha » (que a perdut tota importància) : en 982, in locum Valle Vetere eccl. St. Martini (que sembla d'èsser la de Girul). La val nauta de Girul, la pus escartada, èra considerada, a l'epòca anciana, anteriora als romans, que i aviá de menaças de guèrra, coma plan importanta e après daissèt l'importància màger a la vesina e recenta (latina) Meranges. En 1186, avèm ensemble Gerul e Castelverri (evolucion de castellu vetere). Gerul es tanben inseparable de Ger, a 9 km, del basc gero « après ». Ger es un pauc escartat de Segre. Encara pus isolat es Girul. Coma Taüll (La Vall de Boí) es lo basc ata-uri « lo vilatge del pòrt », ambe -r- > -l-, Girul es *ger-uri, lo vilatge d'après, lo vilatge escartat, isolat. Dins *Ger-uri > Geruli, lo passatge a l s'explica encara milhor, per dissimilacion (i aviá doás r) Joan Coromines, etc, Onomasticon Cataloniæ, vol. IV, p. 346-347 https://web.archive.org/web/20210730221349/https://oncat.iec.cat/veuredoc.asp?id=20543.
Nòtas e referéncias