La vocala barrada anteriora arredondida es una vocala que se trapa dins qualques lengas parladas. Lo sieu simbòl dins l'Alfabet Fonetic Internacional es [y], e son simbòl X-SAMPA es y. Per las lengas, es generalament representada per una ü (alemand, turc) o y, mas tanben per una u (occitan, francés, arpitan e qualques autras lengas romanicas), o per una ű (ongrés). Se pòt taben veire уь (alfabet cirillic) e ㅟ (Hangeul, en corean).
Caracteristicas Son degràs d'apertura es barrat, valent a dire que la lenga es plaçada tan prèpa del paladar coma possible Son ponch d'articulacion es anterior, valent a dire que la lenga es plaçada tan luènh del davant de la boca coma possible Son caractèr de redondetat es arredondit, valent a dire que las labras son arredondidas e que la partida interiora es exposida.
En Occitan En occitan, la [y] se tròba dins gaireben totes los dialèctes. Se representa per una "u". Pasmens, la u pòt far lo son [w] (après una vocala, o en [gascon] abans una vocala), [j] (abans una "o" o "ò", levat en gascon), [ɥ] (abans una vocala fòra o/ò e pas en gascon). La "ü" fa lon son [y] quand la "u" far lo son [w], e [w] quand la "u" fa [y]. En gardiòl, la [y] existís pas. Quand la "u" se pronócia [y] dins los autres dialèctes, lo gardiòl fa lo son [ʏ].
Lengas La [y] se tròba, per exemple, dins: l'alemand Gefühl [gə'fyːl] "sentiment" l'islandés yksi ['yksi] "un" lo francés chute [ʃyt] "casuda" l'ongrés tű [tyː] "agulha" l'occitan una ['ynɔ] lo suedés yla [yɥla] "bramar"
Categoria:Fonetica Categoria:Fonologia Categoria:Vocala