Brno (prononciat [ˈbr̩no] en chèc; Brünn, [bʁʏn] en alemand) es la segonda vila en nombre d'abitants de la Republica Chèca, darrèr Praga, e la primièra de Moràvia ambe una populacion de 400 000 abitants. Son aira urbana n'a mai de 800 000. Es situada al sud-est del país, a 40 km de l'Àustria e 60 de l'Eslovaquia, a la confluéncia dels flumes Svitava e Svratka. Es la capitala de la Moràvia del Sud.
La ciutat amassa lo podèr judicial de Chèquia. S'i trapan la còrt constitucionala, la còrt suprèma, la còrt administrativa suprèma e lo defensor del pòble. La vila tanben aculhís 63 000 estudiants de 13 institucions d'ensenhament superior.
Referéncias
Categoria:Vila de la Republica Chèca