Poncian (29 ò 30 d'octòbre de 235) foguèt, segon la tradicion catolica, lo 18 evesque de Roma de 230 a 235. Succediguèt a Urban I (222-230) e foguèt remplaçat per Antèri (235-236).
Son pontificat es mau conegut en causa de la manca de documents. Organizèt en 231 un sinòde a Roma per condamnar lei tesas d'Origèn. En revènge, sa posicion a respèct de l'esquisme menat per l'antipapa Ipolit de Roma es desconeguda. En 235, lei dos òmes foguèron arrestats dins lo corrent dei persecucions ordonadas per l'emperaire Maximin I. Son reconciliacion permetèt d'acabar l'esquisme començat après l'eleccion d'Ipolit coma antipapa per sei partisans en 217. Poncian renoncièt a sa foncion lo 28 de setembre e moriguèt a la fin dau mes d'octòbre.
Liames intèrnes
Bibliografia
Nòtas e referéncias
Categoria:Papa