La batalha de Lepant es un combat navau que se debanèt lo 7 d'octòbre de 1571 entre lei flòtas de la Santa Liga, coalicion gropant la Republica de Venècia, Espanha, la Republica de Gènoa, leis Estats Pontificaus e divèrseis autreis estats e òrdres militars crestians e la flòta de l'Empèri Otoman. Aguèt tanben luòc dins l'encastre de la Quatrena Guèrra Otomanoveneciana (1570-1573) après l'invasion otomana de Chipre qu'èra tengut per Venècia. S'acabèt per una desfacha majora deis Otomans que perdiguèron la màger part de sei fòrças navalas e mai de soudats generalament experimentats. Maugrat la rebastida rapida dei naviris perduts, leis Otomans aguèron de dificultats per remplaçar lei pèrdas umanas. Pasmens, lei dissensions entre lei venceires empachèron lei membres de la Santa Liga de contuniar son ofensiva. Finalament, en 1573, Venècia deguèt cedir Chipre ais Otomans.
Liames intèrnes
Bibliografia
Nòtas e referéncias