thumb|Keir Dullea en 1962
Keir Dullea (Cleveland, Ohio, 30 de mai de 1936), es un actor american. Es conegut subretot pel ròtle de l'astronauta David Bowman que joguèt dins lo filme 2001, una odissèa de l'espaci.
Biografia Nascut en 1936, Keir Dullea cresquèt a Greenwich Village, barri de la vila de Nòva York ont sos parents tenián una libariá. Frequentèt de companhiás de teatre abans d’aparéisser dins Season of Choice (1959). Leu atirèt l’atencion de productors de cinèma e obtenguèt lo ròtle d’un jove delinquent dins Hoodlum Priest (1961), puèi d’un jove depressiu dins David & Lisa, de Frank Perry (1962). Pareissent mai jove que son edat, contunhèt a interpretar de joves trebolats dins de filmes coma The Thin Red Line (1964), Bunny Lake a disparu (1965) e Madame X (1966). Trenquèt son imatge mercé al ròtle d’un òme que se mèscla dins un parelh lesbian dins lo filme The Fox trach de la novèla de D.H. Lawrence (1968). Sa composicion de l’astronauta David Bowman dins 2001, una odissèa de l'espaci, de Stanley Kubrick (1968), li valguèt una celebritat internacionala.
Lo teatre demòra son activitat principala.
Filmografia selectiva
Cinèma 1962: David and Lisa de Frank Perry: David Clemens 1964: The Thin Red Line d'Andrew Marton: lo soldat Doll 1965: Bunny Lake is missing) d'Otto Preminger: Steven Lake 1966: Madame X de David Lowell Rich: Clay Anderson Jr. 1968: The Fox de Mark Rydell: Paul Renfield 1968: 2001, una odissèa de l'espaci (2001: A Space Odyssey) de Stanley Kubrick: lo professor David Bowman 1969: De Sade de Cy Endfield: lo marqués de Sade 1972: Pope Joan de Michael Anderson: lo doctor Stevens 1974: Paul and Michelle de Lewis Gilbert: Garry 1974: Black Christmas de Bob Clark: Peter Smythe 1977: Full Circle) de Richard Loncraine: Magnus Lofting 1984: 2010 de Peter Hyams: lo professor Dave Bowman 2007: The Good Shepherd de Robert De Niro: lo senator Russell