Cèlia Sànchez-Mústich (Barcelona, 1954) es una poèta e escrivana catalana. Demòra actualament a Sitges dempuèi 2001.
Biografia
Faguèt d'estudis de musica (piano, guitarra, armonia) a Arts del Ritme e al Conservatòri del Liceu. Son òbra amassa divèrses títols de poesia, roman, narrativa brèu e narrativa de non ficcion. Set d’eles an recebut prèmis coma lo Mercè Rodoreda de narrativa, lo Miquel de Palol, lo Serra d'Or o lo Premi Octubre de poesia. Una part de sos poèmas foguèt revirada al galhèc, èuscar, castelhan, francés, occitan, italian e anglés, e fan partida de divèrsas antologias : libres (entre d'autras, Parlano le donne, poetesse catalane del XXI secolo, 48 poètes catalans pour le XXI siècle, La Traductière o la mai recenta Paraula encesa, de Jordi Julià e Pere Ballart) o enregistraments audiovisuals (Archiu audiovisual de poètas de l’ACEC, etc.)
A interpretat sos poèmas en divèrses endrechs dels Païses Catalans, sovent en collaboracion amb d'autres poètas. Un pichon filme dirigit per Jordi Bueno, Ràdio-Taxi(2012) s'es basat sus un de sos contes. Activista culturala, a promogut divèrses projèctes de difusion de la poesia coma las amassadas poètico-musicalas a Lailo, al Raval de Barcelona, pendent cinc ans, e la singulara Festa de la Poesia a Sitges que dirigís amassa amb lo jove poèta e bioquimic Joan Duran i Ferrer dempuèi 2007.
Amassa amb Pere Gimferrer, Maria-Mercè Marçal e Jaume Pont faguèt partida del quatrin de poètas antologats a l'estudi consacrat a la literatura catalana del numèro 1007 (en mai del 2013) de la revista literària francesa Europe. A comptar d'aquel fach, comencèt a recebre de mòstras d'interès de la part del mond poetic francòfon, coma l'ofèrta conjoncha d’Editions du Noroît, del Quebèc, e de Myriam Solal, de París, per editar la version francesa de son recuèlh On no sabèm, o l'invitacion a participar al festenal Voix de la Méditerranée 2014 a Lodeva. A la tardor del 2013, Myriam Solal e Editions du Noroît arribèron fin finala a un acòrdi per coeditar On no sabem amb lo títol de Cet espace entre nòus, amb una revirada del tanben poèta e traductor François-Michel Durazzo. La presentacion se debanèt lo 5 de junh de 2014 a la Maison de l’Amérique latine de París.
Òbra Poèsia La cendra i el miracle. Barcelona: Columna, 1989 El lleu respir. Barcelona: Columna, 1991 Temperatura humana. Barcelona: Columna, 1994 Taques. Barcelona: Edicions 62, 1997 Llum de claraboia. Lhèida: Pagès, 2004 A la taula del mig. Palma: Moll, 2009 On no sabem. València: Tresiquatre, 2010 A l'hotel, a deshora. Girona: Curbet Edicions, 2014 La gota negra. Lhèida: Pagès, 2018
Roman Les cambres del desig. Barcelona: Columna, 1999 Tercer acte d'amor. Barcelona: Proa, 2002
Narrativa Diagnòstic: lluna nova. Barcelona: ICD, 1993 Pati de butaques. Barcelona: Columna, 1996 El tacte de l'ametlla. Barcelona: Proa, 2000 Peret, l'ànima d'un poble (narrativa de no ficció). Barcelona: Edicions 62, 2005 Il·lusionistes del futbol. Valls: Cossetània, 2007 No. I sí. Lleida: Pagès, 2009 Ara et diré què em passa amb les dones i tretze contes més. Barcelona: Editorial Moll, 2013.
Traduccions Peret, el alma d'un pueblo. Península, 2005. Le Jour J (Narrativa de ficció), dins Nouvelles de Catalogne. Magellan & Cie, Cet espace entre nous (revirada en francès de On no sabem). Myriam Solal, Paris, en coedición amb Editions du Noroît, Quebec, 2014.
Prèmis Rosa Leveroni (1990): El lleu respir Don-na (1992): Diagnòstic: lluna nova Miquel de Palol (1996): Taques Mercè Rodoreda -de la Nit de Santa Llúcia- (1999): El tacte de l'ametlla 7LLETRES (2008): NO. I SÍ Premi Crítica Serra d'Or de poesia (2010): A la taula del mig Ploma d'Or de l'Ajuntament de Sitges (2010) Vicent Andrés Estellés dels Premis Octubre, (2010): On no sabem
Ligams extèrnes Web officiala de l'ACEC de Cèlia Sànchez-Mústich Cet espace entre nous, Cèlia Sànchez-Mústich. Maison de l’Amérique Latine, Paris Crítica d'Ara et diré que em passa amb les dones i tretze contes més Revista Núvol Quelques poèmes en français de "Cèlia Sànchez-Mústich" Festival Voix de la Mediterranée a Lodève "Celia Sànchez-Mústich" article al blog de Florenci Salesas sobre l'antologacion a la revista Europe Revue Europe "Cèlia Sànchez-Mústich" vídeos, clips Youtube Clip de Cet espace entre nous, de "Cèlia Sànchez-Mústich" Maricel TV "Cèlia Sànchez-Mústich" Gran Enciclopèdia Catalana
Sànchez-Mústich, Cèlia