Werner Karl Heisenberg (n. 1901, m. en 1976) foguèt un fisician alemand premiat en 1932 per lo Prèmi Nobel de Fisica pels sieus trabalhs sus la mecanica quantica. Biografia Nascut lo 5 de decembre de 1901 dins la vila alemanda de Würzburg, plan pichon se sentiguèt atrach per las matematicas, e en mendre gra per la fisica. En 1920 comencèt son doctorat en matematicas, mas Ferdinand von Lindemann lo refusèt coma escolan. Lo sieu mèstre recomandèt a Heisenberg que faguèsse los sieus estudis de doctorat amb lo fisician Arnold Sommerfeld coma supervisor, çò qu'acceptèt de bon grat, en partejant los estudis amb Wolfgang Pauli.
Durant lo primièr an prenguèt essencialament de corses de matematicas amb l'idèa de se metre a trabalhar sus la teoria dels nombres tre que n'auriá l'oportunitat, mas comencèt rapidament a s'interessar a la fisica teorica. Ensagèt de trabalhar sus la Teoria de la relativitat d'Albert Einstein, mas Pauli li aconselhèt de se consacrar a la Teoria atomica per laquala existissiá encara una granda discordància entre teoria e experiéncia.
Heisenberg moriguèt lo 1 de febrièr de 1976 dins la vila de Munic.
Categoria:Fisician alemand Categoria:Laureat del Prèmi Nobel de Fisica Categoria:Prèmi Nobel alemand Categoria:Naissença en Alemanha Categoria:Naissença en 1901 Categoria:Decès en 1976 Categoria:Membre de l'Òrdre del Merit de la Republica Federala d'Alemanha