Cardon es un tèrme generic que designa nombrosas espècias de plantas espinosas apartenent principalament a la familha de las Asteracèas (o Compausadas), especialament los genres Carduus (los cardons propriament dits), Cynara (las carchòfas) e Cirsium (los cirses).
Son sovent d'adventícias qu'an en comun d'èsser, generalament, de plantas de terrens arids, de portar de fuèlhas fissantas o d'espinas, e d'aver des flors reünidas en inflorescéncias formant de tèstas densas e serradas, capituls o ombellas.