Georges Ancely (nascut lo 1èr de genièr de 1847 a Tolosa e mòrt en 1919) es un comerçant tolosenc e fotograf amator conegut pels fòrça imatges realizats en Occitània e Pirenèus.
Biografia Nasquèt a Tolosa en 1847 dins una familha de relotgièrs originari de La Vaur. Lo magazin familhal èra situat al 63, carrirèa de la Poma. Sa familha tanben aviá un ostal de familha al 3, carrirèra de Bolbona.
En 1878 Georges Ancely crompa lo castèl que Jean Sarrus aviá fach bastir (benlèu per Urbain Vitry) al començament del sègle XIX a Sent Miquèl del Tosh. En 1899 a l'escasença d'òbras dins la proprietat, s'escavèt dins una soca d'arbre un bust de Jupitèr Serapis de marbre blanc. Conservat al musèu de Sant Ramon, ara desaparegutChristian Maillebiau, Les Châteaux de Toulouse, Loubatières, Toulouse, 2000.
Familha Georges Ancely se maridèt amb Marie-Louise Ricous (1856-1927) e aguèron dos enfants, René et Marthe. René Ancely (1876-1966), primièr president de la cort d'apellacion de Pau foguèt un grand colleccionaire del pireneïsme. Après sa mòrt, sa colleccion venguèt a la vila de Tolosa; es ara partejada entre la bibliotèca municipala e lo musèu Paul-Dupuy. Marthe esposa Robert Garipuy, dogan de la facultat de medecina de Tolosa.
Òbra vinheta|Una carrièra de Còrdas en 1887 vinheta|Lo pòrt de la Daurada de Tolosa en 1880 vinheta|La glèisa de Nòstra dama dels Àngels a Cotlliure en 1883 La curiositat d'Ancely li faguèt fotograficar de subjèctes paln variats, anant de la vida videnta de la borgesia, mas tanben de las gents menudas, a l'urbanisme, als sites arqueologics e païsatges naturals. Illustrèt per exemple lo commençament de torisme dins los Pirenèus e a Biàrritz. Atal se lo pòt comparar a son contemporanèu Eugène Trutat. Mas, simple amator, cercava pas à difusar nimai publicar sas fotografias, fasent sonque de datar e archivar meninosament.Luce Lebart et Frédérique Gaillard, « Un regard sur les hommes : Régnault et Ancely », in Eugène Trutat, savant et photographe, 2011, p. 58
Colleccion Ancely al musèu Paul-Dupuy A sa mòrt, sa familha confièt una partida de sas fotografias a la familha Privat. Aquestas (542 fotografias sus placas de veire) foguèron fin finala donadas per Pierre Privat al musèu Paul-Dupuy en 1971. Se sap pas se las fotografias conservadas per la familha Ancely demoran.
Omenatges Lo quartièr tolosenc d'Ancely, bastit en 1960 enplaça del castèl d'Ancely, sa propriété de Sent Miquèl del Tosh, deu son nom a aqueste.
Bibliografia Jean Dieuzaide, Marc Saint-Saëns, Toulouse tel qu'il fut vers 1900, Labouche, Toulouse, s.d. Claire Dalzin, Georges Ancely - Un Photographe toulousain, Privat, Toulouse, 2011, 240 p. ligam=|alt=Document utilisé pour la rédaction de l’article|30x30px Bruno Fay, Marc Ancely, Frédérique Gaillard, Luce Lebart et Patrice Guérin, Biarritz par Georges Ancely et Eugène Trutat, Aquarium de Biarritz, Biarritz, 2016.
Notas e referéncias
Vejatz tanben Ligams extèrnes Site de l'exposition "Georges Ancely (1847-1919), un photographe toulousain" del musèu Paul-Dupuy
Categoria:Naissença en 1847 Categoria:Decès en 1919 Categoria:Naissença a Tolosa Categoria:Fotograf francés