vinheta|Culhida del cambe textil en Nauta Sòna vinheta|Plantacion de cambe de fibra Lo cambe o carbe industrial o textil, es una varietat de planta cultivada de la familha de las Cannabaceae. Es una planta annala, seleccionada per la talha de sa tija e son fèble taus en THC o autres canabinoides a partir de l'espècia que los botanistas nomenan lo Cambe cultivat (Cannabis sativa L.). Cambe designa mai sovent la planta industriala e sa fibra vegetala, alara que Cannabis es lo nom utilizat per designar la forma recreativa o medicala.Un camp plantat de cambe es segon las regions una canavièra (chanabiera, canabiera) o canabalLo cambe foguèt fòrça utilizat pel passat e acompanha l'èsser uman dempuèi lo Neolitic. Mas foguèt pauc a pauc interdit o fortament reglamentat pendent lo sègle XX a causa de sas proprietats psicotròpas.
Lo cambe industrial a d'utilizacions multiplas, coma los teissuts, lo bastits, los cosmetics, l'isolacion fonica e termica, la fabricacion d'òlis, de còrdas, de palhats, l'utilizacion jos forma de combustibles, en papetariá, per l'alimentacion umana o animala, coma biocombustibles, per d'usatges medicamentoses, per un usatge revreatiu o coma materials composits en associacion amb de matèrias plasticas. La filièra cambe reviscola amb l'aumentacion du prètz del petròli e la presa de consciéncia environamentala. Los païses europèus e las collectivitats localas d'aquestes ensajan de tornar favorizar la cultura del cambe. Sa cultura dins lo mond es autorizada o non segon los païses.
Istòria alt=Gravure ancienne montrant les bottes dans un champ et des femmes écrasant les tiges|vinheta|Culhida e trabalh del cambe en 1695. Lo cambe es una de las primièras plantas adomegida per l'Òme, al neolitic, benlèu en Asia. Puèi accompanhèt las migracions e conquistas per s'espandre per totes los continents. Aquestas fibras èran utilizadas per realizar de vestits en China (600 AbC) en Euròpa a l'Edat Mejana. Los vestits reials occidentals èran sovent constituits de mesclas de cambe e de lin. La primièra Bíblia imprimada per Gutenberg ne seriá estat de cambe. Lo papièr de cambe es utilizat fins al sègle XIX. Al començament del XX, en Euròpa, las fibras de cambe foguèron remplaçadas pel coton, originari dels EUA. Mai recentament, aquestas fibras resistentas e a portada de man, foguèron utilizadas per realizar de vestits militairs pendent las doas guèrras mondialas. A la fin de la Segonda Guèrra mondiala, foguèron remplaçadas per de fibras sinteticas, de teisser mai regular. Las fibras longtemps foguèron utilizadas per realizar los bilhets de baca abans d'èsser remplaçadas per l'ortiga. Son tanben utilizadas per las còrdas, e foguèron utilizadas pendent longtemps per las velas de las naus.
Lo cambe èra tanben considerat coma una planta magica dicha ipocrita; èra utilizat dins los rituals funeraris: lo fum de l'èrba secada e brutlada sus de pèira ardentas en preséncia del defunt deviá desconnectar del real e permetre de parlar als esperitsGuide de visite du jardin des neuf carrés, Abbaye de Royaumont.
Trabalh esquèrra|vinheta|Fibras desplegadas mostrant las fibres. vinheta|Penhe de cambe vinheta|Fibras de cambe.
Utilizacion de las fibras Las fibras mai trabalhadas son eissidas de la partida periferica de la tija. Las fibras de la barguilha, tija centrala desprovesida de sa rusca, an una granda capacitat d'absorpcionLe chanvre et les animaux.
Aquestas fibras son utilizadas en plombariá per far de jonchs, la filassa.
Teissedura Abans de poder èsser teissut, lo cambe deu subir tota una preparacionMusée départemental d'art et traditions populaires, Le chanvre en fond de toile.
Un còp culhit, es banhat una desena de jorns per que las fibras se desligan. Enseguida, èra trissat e passat a la bròssa que separa çò que pòt passar a la filosa e l'estopa que pòt pas l’èsser.
Al sègle XVIII, aqueste trabalh preliminari del cambe èra realizat pels agricultors per una font de revengut suplementària. Èran subretot las femnas que filavan.
Còrdas alt=Cordage en chanvre|vinheta|Còrda de cambe. Una còrda de cambe de 12 mm de diamètre a una carga de rompadura d'unes 1 100 kg. Aquesta fibra permet tanben de realiza la ficèla.
Papièr Lo cambe foguèt utilizat dins la fabricacion de diferents papièrsXavier Mathieu et Leandro Salgueiro. Le chanvre dans l'industrie papetière. Mémoire d'élèves ingénieurs EFPG, mai 2003.. Lo cambe es utilizat per exemple dins los bilhets de banca, lo papièr bíblia e lo papièr de cigareta.
Abaliment e agricultura Lo cambe servís a la fabricacion de palhats absorbants pels animals. Dins l'òrt, secat e trissat, a reputacion de blocar los limaces.
Bastit vinheta|Brica de cambe utilizada per l'isolacion acostica e termica Se pòt fabricar de parets isolantas o de dalas isolantas en beton de cambe (mèscla de calç e cambe: associat a la calç dempuèi lo Neolitic per la realizacion de blòcs d'isolacion coneguts fins a la descobèrta dels aerogèls). Lo beton de cambe es tanben utilizat en isolacion exteriora o interiora dels bastits existents. Aqueste material permet una bona "respiracion" dels parets existents mercé a sa capacitat a regular la vapor d'aiga. La lana de cambe es tanben un plan bon isolant termic, concurrencial de lanas mineralas (lanas de veire) que pausa pas de problèma sanitari (amiant e lana de veire son cancerigèns que constituïts de fibras plan fòrça pichonas, capablas de penetrar plan luènh dins las brònquias).
Transpòrt Vèrs 1940, Ford experimenta una veitura amb una carroçariá de cambe: la . L'idèa torna dins los ans 2010 per un constructor canadenc de veïculs electricsLe chanvre dans nos carrosseries publié le 08/09/2010 dans infos-automobile.fr, consulté en mars 2011.. Diesèl utilisava l'òli de cambe (e tanben d'autres òlis vegetals) coma carburant per son motorhttps://web.archive.org/web/20171027075535/http://www.ecotyledon.fr/spip.php?article14. Paratusts de la Mercedes Classa Ahttps://web.archive.org/web/20120814010005/http://www.weedwarriorz.com/documentation-en-CA/industrial/?docpage=6.
Utilizacion de las granas S'utiliza la grana per realizar de produch alimentaris per sas proprietats nutritivas, jos forma d'òli o de granas.
La grana conten: 32 % de glucids, amb 83 % de fibras 32 % de lipids 23 % de proteïnas, fonts dels 8 acids aminats essencials Aquestas proporcions son idealas per l'alimentacion umana e animala.
Òli Alimentacion: l'òli obtenguda per premsatge de las granas a una excellenta reputacion dietetica, a causa de son taus en acids grases de tipe omega 3 e omega 6 GLA e tanben un fèble taus en Acids Grases Saturats. Non filtrada, ten una color verda mai o mens escura segon las varietats. A un gost d'avelana per unes. Combustible per motor (utilizat per Rudolf Diesel, a la creation de son motor Diesèl). En 1937, Henry Ford creèt la Hemp Body Car, una veitura en granda partida facha de cambe e alimentada per l'etanòl de cambeL'histoire secrète du chanvre. Pinturas, vernís, tintas e autres produchs tecnics: l'òli de cambe es secativa coma l'òli de lin. Cosmetics: a causa de son equilibri en acids grases poliinsaturats, l'òli de cambe es plan noirissenta per la pèl. L'òli de cambe conten: 10 % d'acids grases saturats 13 % d'acids grases monoinsaturats (AGMI) 77 % d'acids grases poliinsaturats (AGPI) amb 59,5 % d'omega 6 (acid linoleic) e 17,5 % d'omega-3 (acid gama linolenic subretot, acid estearidonic) L'òli de cambe conten 8 % de grassas saturadas, 55 % d'acid linoleic e 25 % d'acid α-linolenic. I a tanben de vitaminas del grop B (idrofilas) e de la vitamina E (lipofila). Sola l'òli de lin conten un taus màger d'acid α-linolenic, mas l'òli de cambe conten mai d'acids grases essencials (80 % del volum total de l'òli).
Farina Las granas de cambe pòdon èsser trissada per realizar de farina de cambe, que ne conten pas de glutènValentine Poignon, Les graines de chanvre, le nouveau superaliment de cet été publié le 15 mars 2017 dans le Figaro Madame, consulté le 26 mai 2017, de proteïnas que de personas son intolerantas.
Proteïnas de cambe Lo tortèl de pression - qu'en partida se lèva l'òli - venent de las granas descloscadas pòdon èsser tractada per concentrar las proteïnas de tauses diferents (30 %, 50 % e 70 %). Las proteïnas de cambe presentan un indici de qualitat de 92Valeur nutritionnelle pour 'Hemp Protein Powder' e son plan digèstasEvaluating the quality of protein from hemp seed (Cannabis sativa L.) products through the use of the protein digestibility-corrected amino acid score method.
Unes produchs incorporan de còcas trissadas venent de las granas per aumentar lo taus de fibras.
Bevendas Existís diferentas bevendas utilizant de cambe: limonada de cambe bièrra cambrada siròp de cambe té de cambe lach de cambe absint al cannabis
Alimentacion animala De ganas de cambe son incorporadas a las mèsclas per aucèls domestics. Son tanben utilizadas per la pèsca e a la brama. Los tortèls, riques en proteïna, se pòdon avantatjosament valorizar en alimentacion per bestial.
Potencial industrial esquèrra|vinheta|Culhida del cambe en Nauta Sòna. Se tira del cambe un nombre important e sempre mai de produch: fil, ficèla, teissut, papièr (mai de 70 % de la produccion abans 1883Le chanvre dans l'industrie papetière Institut national polytechnique de Grenoble.), mas tanben de materials de construccion e d'isolacion, carburant, plastics, produchs alimentaris, medicaments. Après aver conegut son apogèu a la mitat del sègle XIX (176 000 ha cultivadas en França) per la papeteriá e la marina de vela, las superfícias en cambe redusiguèron en 1960 (700 ha) a causa de l'emergéncia del coton, de las fibras sinteticas e de l'arribada de la marina de motor. La cultura reviscola dins las annadas 1970 pels mercats papetièrs. Dempuèi las annadas 2000Institut Technique du Chanvre Institut Technique du Chanvre.
La revista americana Popular Mechanics de febrièr de 1938, títol un article al subjècte de l'expleitacion del cambee : « New billion dollar crop »Jack Herer - Popular Mechanics (Una culhida novèla d'un milard de dolars). L'extraccion de las fibras de la tija del cambe, operacion fastidiosa, veniá de beneficiar d'un procés novèl d'automatizacion, que prometava una rendabilitat enòrma. Pasmens, la cultura del cambe foguèt progressivament interdita als EUA, per una succession de mesuras, coma la Marihuana Tax Act de 1937. Las fibras sinteticas, coma lo nilon, comercializat en 1938, comencèron a s'impausar sul mercat mondial. Los plants butant a l'estat salvatge foguèron pistats e destrusits. Pendent la segonde guerre mondiale, los EUA incitèron lors a produire de biais massís del cambe. Lo film ''Hemp For Victory'', realizat pel govèrn american, explica als cultuvators la necessitat de produire de cambe per sostenir l'esfòrt de guèrra.
Cultura industriala Lo cambe industrial, subretot lo cambe cultivat (en Euròpa) e del cambe indian, es una planta de raiç pivotanta podent aténher quatre mètres de naut, sa cultura en Euròpa demanda l'utilizacion de pas cap de pesticid. Mas es una cultura que demanda d'aponds de potassi e d'azòtMediavilla V., Bassetti P., Konermann M., Schmid-Slembrouck I., Optimalisation de la fumure azotée et de la densité de semis dans la culture du chanvre, Agrarforschung 5(05), 241-244, 1998Au fil du Chanvre : guide technique pour une culture à suivre, brochure éditée par le conseil général de la Haute-Garonne. vinheta|Escut de comuna Chennevières-lès-Louvres. A çò nòstre, la cultura del cambe, las aisinas e los mestièrs associats daissèron fòrça traças dins la toponimia e l'antroponimia. Per exemple la celèbra avenguda de la Canebiera a Marselha. Que per d'unes, s'i fasiá le cultura de cambe; segon d'autres, alà i aviá de fabricas de còrdas e de velas ligadas a las activitats del pòrt. A Niça i a li Chanabieras. En França, la plantacion de cambe èra nomenada chennevière e se trapa per exemple dins Chennevières-sur-Marne.
Produccion